Ganthan News Pokhara
All news from Pokhara & around

पोखराको ठूलाखेत खहरे खोला पुलको शिलान्यास

प्रदेश सरकार आएपछि जनताले सरकार देखेः मुख्यमन्त्री गुरुङ

पोखराको ठुलोखेत खहरेखोला पुलको शिलान्यास
0

पोखरा, २३ पोखरा/गण्डकी प्रदेशका मुख्यमन्त्री पृथ्वीसुब्बा गुरुङले २ सय ५० वर्षअघि निर्माण भएको सरकार छ भन्ने जनताले अनुभूत गर्न नपाएको दाबी गरेका छन् ।

प्रदेश सरकारको लगानीमा पोखरा २३ ठूलाखेतमा बन्न लागेको पुलको सिलन्यास गर्न पुगेका मुख्यमन्त्री गुरुङले संघीयता पछि अहिले प्रदेश र स्थानीय सरकार जनताको घर घरमा सरकारलाई अनुभूत गर्न पाएको बताएका छन् ।

पोखराको ठुलोखेत खहरेखोला पुलको शिलान्यास
पोखराको ठुलोखेत खहरेखोला पुलको शिलान्यास

मुख्यमन्त्री गुरुङले पृथ्वीनारायण शाहले काठमाडौं कब्जा गरेपछि काठमाडौंमा बनेको सरकारको शासन पद्धति नै अहिले सम्म चलिरहेको बताउदै उनले भने, ‘अलिकति अधिकार हेरफेर भयो होला नत्र त सरकार उही छ ।’ उनले यसअघि बनेको सरकारले खहरे खोला संरक्षण गर्न कुनै सरकारले पहल नगरेको र त्यसलाई पूरा गर्न प्रदेश सरकार आएको सुनाए ।

पोखराको ठुलोखेत खहरेखोला पुलको शिलान्यास
पोखराको ठुलोखेत खहरेखोला पुलको शिलान्यास

‘पोखरा फेवाताल बेचेरै बाँचिरहन्छ,’ उनले भने, ‘अनि पोखराले फेवाताल अतिक्रमण गरेर हुन्छ ?’ फेवाताल संरक्षणमा आजसम्म कतैबाट पहल नभएको भन्दै मुख्यमन्त्री गुरुङले आक्रोश पोखे । ‘आजसम्म फेवाताल संरक्षण गर्ने कुनै कोही जन्मेको छैन,’ उनले भने, ‘फेवाताल संरक्षणमा सर्वोच्चको आदेश पालना गर्न, फेवातालको मापदण्ड कायम गरेर नयाँ संरचना निर्माण गर्न आखिर प्रदेश सरकार नै चाहिदो रै’ छ ।’

पोखराको ठुलोखेत खहरेखोला पुलको शिलान्यास
पोखराको ठुलोखेत खहरेखोला पुलको शिलान्यास

उद्घाटन समारोहमा गण्डकी प्रदेशका भौतिक पूर्वाधार विकास मन्त्री रामशरण बस्नेतले गाउँको विकास गर्नका लागि नै संघीयता ल्याएको बताउँदै गण्डकी प्रदेशलाई समृद्ध बनाइ छाड्ने अठोटका साथ प्रदेश सरकारले काम गरिरहेको बताए ।

कार्यक्रमा प्रदेश सांसदद्वय राजीव पहारी, रामजी बराल, जिल्ला समन्वय समिति कास्कीका प्रमुख बैनबहादुर अधिकारी, पोखरा महानगरपालिका वडा नम्बर २३ का वडाध्यक्ष विष्णु पराजुली, पोखरा २४ का वडाध्यक्ष ओमप्रसाद सुवेदी लगायतले पुल निर्माणपछि स्थानीय र विदेशी पर्यटकलाई समेत टेवा पुग्ने बताए । प्रदेश सरकारको ६ करोड ७५ लाख लगानीमा पुल निर्माणको जिम्मा निलगिरी कन्स्ट्रक्सनले पाएको छ ।

पोखराको ठुलोखेत खहरेखोला पुलको शिलान्यास
पोखराको ठुलोखेत खहरेखोला पुलको शिलान्यास

९० दशमलब ७५ मिटर लामो पुलको निर्माण १५ महिनामा सक्ने लक्ष्य लिइएको छ । पुल ९ मिटर फराकिलो हुने छ । कास्की, पर्वत र स्याङ्जाको संगमस्थलमा अवस्थित धार्मिक पर्यटनको क्षेत्र पञ्चासे पुग्ने सडकमा पक्की पुल बन्ने लागेको हो । पुल निर्माण पछि पर्यटकी क्षेत्र पञ्चासे, पोखरा वडा नम्बर २३ को ठूलाखेत, चैनपुर, हपर्न, भदौरे तामाङ्गी र घाँटीछिनाका करीब १५ हजार नागरिक वर्षायाममा पनि यातायात सुविधा पाउने छन् ।

पोखराको ठुलोखेत खहरेखोला पुलको शिलान्यास
पोखराको ठुलोखेत खहरेखोला पुलको शिलान्यास

हल्लनचोक, पामे, ठुलाखेत, घाँटीछिना सडक खण्ड अन्तर्गत पोखरा–२३ र २४ जोड्ने गरी खहरेखोलामा पुल बन्ने छ । भौगोलिक अवस्थाको कारण बक्सब्रीज आकारमा मल्टीसेल बक्सको डिजाईनमा पुल निर्माण गरिने प्रदेश सरकार अन्तर्गतको पूर्वाधार विकास कार्यालय कास्की प्रमुख इन्जिनियर नारायण बरालले जानकारी दिए ।

पोखराको ठुलोखेत खहरेखोला पुलको शिलान्यास
पोखराको ठुलोखेत खहरेखोला पुलको शिलान्यास

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु