पोखरा, ३ असोज / तीन जिल्लाको संगम स्थल पञ्चासेमा पोखरा महानगरपालिका २३ घाँटिछिनाबाट केबुलकार
निर्माण हुने भएको छ । पञ्चाँसे केबुलकार टुर्स कम्पनी र आरकेडी रियल स्टेड कम्पनीले ८.५ किलोमिटर लामो
केबलकार सञ्चालन हुने भएको छ । केबुलकार योजनाको निमार्ण कार्य सुरु गर्न सभे भईरहेको छ ।
आयोजनाको अनुमानित खर्च ७ अर्ब रहेको छ । ४ वर्षभित्रमा आयोजना सम्पन्न गर्ने कम्पनीले लक्ष लिएको छ ।
पञ्चाँसे टुर्स एन्ड ट्राभल र आरकेडी रियल स्टेड कम्पनीका चेयर मेन रामचन्द्र शर्माले गन्थन डटकमलाई
जानकारी दिए । उनले केबुलकारमा ८० वटा पोल हुने बताए ।
केबुलकार सञ्चालन सँगसँगै गाउँको पर्यटन प्रबद्र्धनलागि विभिन्न आयोजना पनि रहेको शर्माले बताए । पञ्चासे
लेकभन्दा तल लिजमा जग्गा लिएर वाटर फन्ट, स्थानीय हस्तकला बिक्रि केन्द्र, हेरिटेज प्लाजा, रिसोर्ट, होमस्टे,
टिनएजर्सका लागि प्रेम पार्क, फुट ट्र्याक, एकैचोटी २ हजारले ड्रिङ्क्स गर्न मिल्ने क्षमताको अल्कोहल जोन,
पँञ्चासे मन्दिरको जिर्णोद्धार लगायतका योजना रहेको उनले सुनाए ।
देशका साना व्यवसायीलाई लक्षित गरेर आयोजना सञ्चालन गर्न लागेको उनले बताए । ‘स्वदेशि लगानीकर्तालाई
प्रोत्साहन गर्ने हाम्रो उद्देश्य हो,’ उनले भने, ‘विदेशि लगानी बिना नै योजना पुरा गछौं ।’