पोखरा, १८ कात्तिक /प्याराग्ल्याडिङ एक्युरेसी विश्वकपको उपाधि कोरियन पाईलट(खेलाडी)ले उचाल्दा घरेलु भूमिमा नेपाली पाईलट युकेश गुरुङ भने आठौं स्थानमा चिक्त बुझाएका छन् । ओभरअल प्रतिस्पर्धाको छ राउण्डको खेल समाप्तीमा कोरियन पाईलट स्याङयु लिमले १२ अंक जोड्दै उपाधिसहित १ हजार युरो पुरस्कार स्वरुप थापे ।
उनले अन्तिम चरणको उडानमा केवल दुई अंकको स्कोर गरेपछि नेपालमा आयोजित पहिलो सस्करणको विश्वकपको उपाधि लिमको पोल्टामा पर्यो । दोस्रो र तेस्रो स्थानमा समेत कोरियन खेलाडीले नै कब्जा गरे । समान १५ अंक जोडेका कोरियन पाईलटद्वय जिहुन यो र सियोङमिन लिले फेरी उडान भर्दै योले दोस्रोस्थानमा चिक्त बुझाए । उनले फेरी उडान गर्दा योले दुई अंक जोडियो भने लिले सात अंक थपे ।
उनीहरु क्रमश सात सय ५० र ५ सय युरो पुरस्कार स्वरुप पाउँदाँ स्लोभानियाका पाईलट प्रिलोजुईक रोक भने चौथो स्थानमा सीमित हुन पगे । उनी अन्तिम उडानमा दुई अंकको स्कोरमा रहदै १६ अंकसहित चौथो स्थानमा रहदै विश्वकप टुग्याए । नेपाली पाईलट युकेश गुरुङ भने ३३ अंकसहित आठौं स्थानमा चिक्त बुझाउन बाध्य भए ।
महिला तर्फको प्रतिस्पर्धामा पनि कोरियन खेलाडी ह्युनही किमले ५९ अंकसहित प्रथम हुदैं नगद १ हजार युरो प्राप्त गरिन् । दोस्रो स्थानमा पनि कोरियन खेलाडी इउनयोङ चोले छ राउण्डको खेलमा ७४ अंक जोड्दै दोस्रो स्थान कब्जा गर्दैै ७ सय ५० युरो फेला पारिन् । तेस्रो स्थानमा भने इण्डोनेसियाकी गीता रेज्की गुन्तरीले २११ अंकमा रहिन् । उनले ५ सय युरो पुरस्कार पाईन् ।
यसैगरी टिम तर्फको
प्रतिस्पर्धामा पनि कोरियाली खेलाडीकै बर्चस्व रह्यो । चाङमिन लिको समूहले ९३ अंकसहित प्रथम हुदाँ कोरियाकै स्याङ्यु लिमले नेतृत्व गरेको टोली १६४ अंकसहित दोस्रो स्थानमा रह्यो । नेपालका युकेश गुरुङले नेतृत्व गरेको टिम भने २८४ सहित तेस्रो स्थानमा आईपुग्यो । टिम विधातर्फ प्रथम, द्वितीय र तृतीय हुनेले क्रमशः १५, १२ र ७ सय यूरो नगद पुरस्कार पाए ।
एक्युरेसीमा सबैभन्दा कम अंक जोड्ने खेलाडी उत्कृष्ठ मानिन्छ । तर क्रसकन्ट्रीमा भने सबैभन्दा बढी अंक ल्याउने खेलाडीलाई उत्कृष्ठ ठहरिने गर्छ । स्याङजाको स्वरेकमा गत कात्तिक १५ गतेदेखि आयोजित प्याराग्लाइडिङ एक्युरेसी विश्वकपमा टिम विधामा पुरुषतर्फ ५ र महिलाका ३ जना सहभागि हुने प्रावधान थियो । स्वदेशी र विदेशी सबैले तीनवटै विधामा सहभागिता प्रतिस्पर्धा गरेका थिए ।
स्वरेक मैदान ९समुन्द्री सतहदेखि १५७७ मि० बाट उडेर डौंघाफाँट ९८ सय मिटर० मा अवतरण गर्ने तोकिएको थियो । एफएआई क्याटागोरी–२, अन्तर्गतको पिजिएडब्लुसी सिरिजको यो पाँचौ संस्करण हो । पिजिएडब्लुसीले वर्र्षेनी फरकफरक मुलुकमा यो प्रतिश्पर्धा आयोजना गर्दै आएको छ । योवर्ष टर्की, काजकास्थान, इन्डोनेशिया र क्यानडामा भईसकेको छ । नेपालपछि आगामि डिसेम्बरमा अल्बानियामा यस्तै प्रतिश्पर्धा हुँदैछ ।
गत भदौमा इन्डोनेसियामा आयोजित १८ औं एशियाली खेलकुदमा पनि प्याराग्लाइडिङले नेपाललाई क्रसकन्ट्रीमै उपाधि दिलाएको थियो । एक्युरेसीमा नेपाल सातौ स्थानमा थियो । प्याराग्लाइडिङ एक्युरेसी विश्वकप नेपालको लागि यो अहिलेसम्मकै ठुलो प्रतिस्पर्धा हो । ओभरअलमा ६७ जना पाईलटको सहभागिता रहेको थियो भने महिला तर्फ १५ पाईलटले सहभागिता जनाएका थिए ।