Ganthan News Pokhara
All news from Pokhara & around

दुर्घटना भइरहने पस्र्याङस्थित फिर्के पुल निर्माण गरिदैं

फिर्के पुल
0

पोखरा, २५ पुस/६ लेनको सडक, तर साँघुरो पुल । पुलकै कारण सवारी दुर्घटना बढ्दै गएपछि सडक डिभिजन कार्यालय पोखराले पोखरा–५ पस्र्याङस्थित फिर्के खोलामाथि दुई–दुई लेनको पुल बनाउन शुरु गरेको छ । महानगरपालिकाको वडा नं ४ र ५ लाई जोड्ने पुलको दायाँ बायाँ पुल बनेपछि सवारी आवागमन सहज हुने छ ।

फराकिलो सडक कै अनुपातमा भईरहेको पुलको दायाँबायाँ एक–एक लेनको पुल निर्माण कार्य शुरु गरिएको सडक डिभिजन कार्यालय कास्कीले जनाएको छ । ‘भईरहेको पुलको दायाँबायाँ ३ मिटर चौडाईको दुई वटा पुल बनाउने काम शुरु गरिसकिएको छ ।’ सडक डिभिजन कार्यालय पोखराका इन्जिनियरि उज्वल शर्माले भने–‘गएको असारमा सम्झौता गरिएको हो । चाडबाड सकिएपछि भर्खरै काममा मोबिलाईज्ड भएका छन्् ।’ निर्माण गरिने पुलको लम्बाई ५० मिटरको हुने छ । पुरानो पुल पनि ५० मिटर लम्बाई र ६ मिटर चौडाईको छ ।

भूपि शेरचन राजमार्ग(पोखरा–बाग्लुङ सडक)को जिरोकिलोमिटरदेखि विन्ध्यवासिनी मन्दिरसम्मको सडक खण्ड ६ लेन बनाईएको छ । पस्र्याङस्थित फिर्के खोलामाथि भएको एउटामात्रै पुलले फराकिलो सडकको कमजोरी प्रष्ट्याईरहेको थियो । ‘पुलको दुवै साईडमा तीन÷तीन मिटरको अर्को पुल बनाँउछौं ।’ उनले भने–पुल बनेपछि तीनवटा पुलको लम्बाई १२ मिटरको हुने छ ।’ पुरानो पुलबाट ठुलो दुईवटा सवारी साधन मुश्किलले मात्रै पास हुन्छन् । सडक पुरानो टुडिखेलको हरिचोकसम्म विस्तार गर्ने भनिएपनि विन्ध्यवासिनी मन्दिरसम्म मात्रै फराकिलो बनाईएको छ ।

पुल दुई वर्षभित्रमा निर्माण पुरा गर्नेगरी सम्झौता गरिएको छ । काठमाडौंको शान्ति÷आरोग्यदेवी(जे.भी)ले ठेक्का सम्झौता अनुसार काम अघि बढाएको उनले जानकारी दिए । १७ करोडको लागत अनुमान गरिएको छ । कम्पनीले १५ प्रतिशत घटेर ठेक्का सम्झौता गरेको छ । ‘पुलको बीचमा मुख्य पिलर रहन्छ । अन्य दुई पिलर भने सहायकको रुपमा रहन्छ ।’ उनले भने ।

पोखरा महानगरपालिकाको सक्रियतामा तीन वर्ष अघि जिरोकिलोमिटरदेखि विन्ध्यवासिनी मन्दिरसम्मको तीनकिलोमिटर सडक खण्ड फराकिलो बनाईएको हो । झण्डै वर्षदिनको ढिलाईमा कालोपत्रे गरिएको थियो । स्थानीय बासिन्दाले धुलोकै कारण कालोपत्रे गर्नुपर्ने भन्दै पटक पटक अवरोध समेत गरेका थिए । इन्जिनियर शर्माका अनुसार भईरहेको पुललाई नचलाईकनै दुवै साईडमा निर्माण गरिने छ । पुल निर्माणपछि सवारी आवातजावतलाई सहज हुने उनको ठम्याई छ ।

फिर्केपुल
फिर्केपुल

पुलकै कारण त्यसक्षेत्रमा सवारी दुर्घटनाको तथ्यांक अनगिन्ती छ । प्रहरीका अनुसार त्यस क्षेत्रमा सवारी दुर्घटनामा परेर २ जनाको ज्यान गईसकेको छ । ‘पुलको दुवैतिर फराकिलो सडक छ । फराकिलो सडकमा तिब्रगतिमा हुँइकिएका सवारी एक्कासी साँघुरो पुलमा पुग्दा नियन्त्रण बाहिर जान्छन,’ प्रहरीको भनाई छ, ‘एक्कासी साँघुरो मुखमा पुग्दा दुर्घटनामा पर्छन ।’ रातीको समयमा त्यहाँ बढी दुर्घटना हुने गरेका छन् ।

करिब ३ किलोमिटर सडक २४ मिटर फराकिलो भएपनि त्यसकै मध्यभागमा ६ मिटर चौडाको पुल छ । जुन पुल सडक बिस्तार हुँदा पनि फैलिन सकेन । दुवैतिर सडक फराकिलो बनाईएपनि तर पुलले आकार नबढेकोले दुर्घटना बढी हुने गरेको स्थानीयबासी समेत बताउँछन् । जिल्ला प्रहरी कार्यालय कास्कीको तथ्यांक अनुसार बढी जसो मोटरसाईकल दुर्घटना बढी हुने गरेको छ । ठुला सवारी साधनको पनि स्पीड बढी हुदाँ जोखिम निम्त्याउने गरेको प्रहरीको बुझाई छ ।

पोखरा महानगरपालिकाका प्रमुख मानबहादुर जिसीका स्वकिय सचिव लक्ष्मण तिमिल्सिनाका अनुसार पुल निर्माणले बढ्दै गएको सवारी दुर्घटना न्युनिकरण हुने विश्वास छ । ‘साँघुरो पुलकै कारण बढी जोखिम थियो । पुल निर्माणपछि जोखिम कम हुने विश्वास छ ।’ उनको भनाई थियो । सडकमा दुर्घटना नहोस भनेर सांकेतिक चिन्ह राखेपनि चालकले वेवास्ता गर्दा दुर्घटनामा परेको हुनसक्ने उनले बताए । अहिले चल्तीमा रहेको पुल नभत्काइ दुईतिर थपिने उनले सुनाए । यही सडक पार गरेर पोखराबाट धवलागिरी अञ्चलका विभिन्न जिल्लामा जाने सवारी पनि संचालन हुन्छन । त्यसले गर्दा पनि पुल व्यस्तामध्येमा पर्छ ।

पोखराको फिर्के पुलमा मोटरसाइकल दुर्घटना, एक जना गम्भीर, पानीको पाईप फुट्यो

पोखराको फिर्केपुलमा मोटरसाइकल ठक्कर खादा एकको मृत्यु एक घाइते

ज्यान मारा पुल

 

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु