पोखरा, २२ बैशाख /सोमबार नेपाल बन्द भन्दै हल्ला अहिले निकै चलेको छ । तर यो बन्द कसले आह्वान गरेको भन्ने औपचारिक रुपमा सार्वजनिक भने भएको छैन ।
नेत्र विक्रम चन्द विप्लव नेतृत्वको नेपाल कम्युनिष्ट पार्टीले भोलि सोमबार हुने भनिएको बन्दमा आफ्नो कुनैपनि संलग्नता नभएको स्पष्ट पारेको छ ।
नेकपाले वैशाख २३ गते नेपालबन्द आह्वान गरेको भन्ने कुरा गलत भएको विप्लव समूहका जिल्ला स्तरीय एक नेताले जानकारी दिए । हाल पार्टीले बन्दको कुनै पनि कार्यक्रम नराखेको उनले बताए ।
नेपाल कम्युनिष्ट पार्टी माओवादीले वैशाख २३ गते नेपाल बन्दको आव्हान गरेको भन्दै विज्ञप्ती सहित अनलाइनहरुमा समाचार आएको छ । तर त्यसको आधिकारीकता कतै छैन ।
केही महिना अगाडी पनि नक्कली विज्ञप्ती सामाजीक सञ्जाल आएपछि केही मात्रामा नेपाल बन्द भएको सुरक्षा निकाएले बताएको छ ।
सुरक्षा निकायले नक्कली विज्ञप्ती भएको भन्दै कहाँबाट आयो भन्ने छानविन भईरहको बताएको छ । बन्द है हल्ला मात्रै हो सुरक्षा निकाएले बताएको छ ।