Ganthan News Pokhara
All news from Pokhara & around

फेवातालको सिरान खपौदीबाट ताल पुरिएको माटो झिक्न शुरु

फेवातालको सिरान खपौदीबाट ताल पुरिएको माटो झिक्न शुरु
0

पोखरा, २६ माघ /पोखरा महानगरपालिकाले फेवाताल सिरान पोखरा १८ खपौदीको पुरिएको भागबाट माटो निकाल्न अभियान सुरु गरेको छ । दुई महिना अगाडी फेवातालको दुई ठाउँबाट माटो झिकेको महानगरपालिकाले दोस्रो चरण अन्तरगत फेवातालको सिरानबाट माटो झिक्न थालेको हो ।

महानगरपालिकाले पोखरा ६ को खहरे स्थित तालमा जमेको माटो र डेमसाइडबाट करिब ४ रोपनी जग्गामा रहेको २० हजार घनमिटर माटो निकालेको थियो । सर्वच्च अदालको आदेश पछि फेवातालको संरक्षणका जिम्मा पोखरा महानगरपालिकाको रहेको छ ।

अधिवक्ता खगेन्द्र सुवेदीले २०६७ माघ १० गते दायर गरेको रिटमाथी अध्ययन र बहस गरेर ओम प्रकाश मिश्र र सपना प्रधान मल्लको इजलासले गएको पुस महिनामा फेवाताल अतिक्रमण गरी निर्माण भएका संरचना भत्काउन आदेश दिएको थियो ।

फेवातालको सिरान खपौदीबाट ताल पुरिएको माटो झिक्न शुरु
फेवातालको सिरान खपौदीबाट ताल पुरिएको माटो झिक्न शुरु

सर्वोच्च अदालतले ६ महिनाभित्र फेवातालको चार किल्ला कायम गर्न सरकारका नाममा आदेश दिएको छ । यस्तै व्यक्तिको नाममा दर्ता भएको जग्गाको लालपुर्जा पनि एकबर्ष भित्रै खारेज गरी जग्गा तालको क्षेत्राधिकारमा ल्याउन निर्देशन दिईएको छ ।

फेवाताल संरक्षण र अतिक्रमणबाट रोक्न प्रदेश सरकारले एक्सन कमिटी गठन गरिसकेको छ । सरकारले उद्योग, पर्यटन, वन तथा वातावरण मन्त्री विकास लम्सालको संयोजकत्वमा सम्बन्धित क्षेत्रका सांसद र सम्बन्धित मन्त्रालयका सचिवहरुलाई समेटेर ११ सदस्यीय एक्सन कमिटी गठन गरेको हो । एक्सन कमिटीले ६ महिनाभित्रै सर्वोच्चको फैसला कार्यान्वयन गर्नुपर्ने छ ।

तत्कालीन समयमा विश्वप्रकाश लामिछाने संयोजकत्वको समितिले करिब ९ सय ५० जना व्यक्तिको लालपूर्जा नै खारेज गर्नुपर्ने सिफारिस गरेको थियो । १ हजार ६ सय ९२ रोपनीभन्दा बढी जग्गा विभिन्न व्यक्तिले आफ्नो नाममा दर्ता गरेको प्रतिवेदनमा उल्लेख छ । २०१८ सालमा १० वर्ग्किलोमिटरमा फैलिएको फेवाताल २०६४ मा आईपुग्दा ४ दशमलव २० वर्ग्किलोमिटरमा खुम्चिएको तथ्यांक छ ।

फेवातालमा महानगरले डोजर चलायो, के छ मापदण्ड, वडा अध्यक्षको घर नै मापदण्डमा

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु