सुमन ढुंगाना / सागर राज तिमिल्सिना
पोखरा, ६ साउन/ कास्की प्रहरी प्रमुख प्रहरी उपरिक्षक दानबहादुर कार्की हातमा हत्गढी लागेको छ । सोमबार कास्की प्रहरीको हाता भित्रै हत्गढी लागेको हो । हत्गढी खोल्न सिपाही चाँबी ल्याए पनि एउटा मात्रै खुले पछि पुन केही बेरमा अर्को चाँबी ल्याएर खोल्नु पर्ने भएको थियो ।
उनले साना साना विद्यार्थीहरुलाई प्रहरी र प्रहरीले काम गर्ने बारेमा विद्यार्थीलाई सिकाएका थिए । विद्यार्थीले हत्गढी के हो र किन लगाइन्छ भन्ने प्रश्नमा कार्कीले हत्गढीका बारेमा विद्यार्थीलाई बुझ्ने भाषमा प्रयोग गरेर देखाएका थिए ।
………………….
साना साना नानीबाबुहरुलाई डर देखाउनको लागि जे कुरामा पनि पुलिस बोलाइ दिन्छु भन्ने चलन हाम्रो समाजमा छ । जसका कारण उनीहरुको मनमा सानै देखी प्रहरी प्रति नकारात्मक भावना पैदा हुदै आएको छ र प्रहरी भन्ने वित्तिकै डराउ छन् बालबालिकाहरु । तर प्रहरी डर हैन बरु बालबालिकाको साथी हो भन्ने सन्देश प्रबाह गर्न कास्की प्रहरीले अभियान नै थालेको छ ।
जिल्ला प्रहरी कार्यालय कास्कीमा सोमबार स्कुलकै पोशाकमा ४० जना साना बालबालिकाहरु पुगे । विद्यार्थीले कुनै गलत काम नै गरेका हुन् नत प्रहरीले उनीहरुलाई पक्राउनै गरेको हो । बालबालिकाको मन मस्तिस्कमा प्रहरी प्रतिको गलत छाप हटाउन कास्की प्रहरीले प्रहरी संग एक दिन अभियान संचालन गरेको छ ।
त्यही अभियान अन्तर्गत यी विद्यार्थी जिल्ला प्रहरी कार्यालय कास्की आएका हुन् । सोमबार पोखरा महानगरपालिका २५ हेम्जाको हेम्जा बोडिङ स्कुलमा कक्षा ८ मा अध्यनरत ४० जना विद्यार्थीले १ दिन प्रहरी कार्यालयमा बिताए । शान्तिपूर्ण एबम सुरक्षित समाजका लागि समुदाय प्रहरी साझेदारी कार्यक्रम अन्तर्गत कास्की प्रहरीले स्कुले विद्यार्थीलाई लक्षित गरि प्रहरी सँग एकदिन कार्यक्रम संचालन गरेको हो ।
बालबालिकामा प्रहरी प्रति रहेको नकारात्मक भावना हट्ने र शान्तिपूर्ण समाज निर्माणमा उनीहरुले पनि प्रहरीलाई सघाउन सक्ने अवस्था सिर्जना गर्न यो अभियानले टेवा पुर्याउने कास्की प्रहरी प्रमुख प्रहरी उपरिक्षक दानबहादुर काकीले बताए ।
हाल हप्तामा एक दिन यो अभियान संचालन भएपनि विद्यालय धेरै भएका कारण हप्ता भरी नै संचालन गर्न सक्ने प्रहरी उपरिक्षक कार्कीले बताए । अभियान अन्तर्गत सुरुमा प्रहरी को हो ? प्रहरीले के के काम गर्छ ? कस्ता मान्छेलाई पक्राउ गर्छ ? कुनै नराम्रो भयो भने कसरी प्रहरीलाई खबर गर्ने सकिन्छ भने सिकाएको उनले बताए । त्यसपछि प्रहरीको हरेक कक्षमा बालबालिकालाई लगेर देखाउने गरिन्छ ।
प्रहरी संग १ दिन बिताए पछि विद्यार्थीहरुले प्रहरी प्रतिको भ्रम हटेको बताए । उनीहरुले सबै सुनेर र देखे पछि प्रहरी त हाम्रो साथी पो रहेछ भन्ने थाहा भएको बताए ।
यी बालबालिका त उदाहरण मात्र हुन् हाम्रो देशका धेरै बालबालिकाको मस्तिस्कमा प्रहरी प्रति नकारात्मक प्रभाब पारेको छ । त्यसले गर्दा कतिपय घटनाहरु लुकेका वा लुकाइएका पनि छन् । प्रहरी प्रति बालबालिकाको भावना सकारात्मक हुने हो भने त्यस्ता घटना सार्बजनिक हुन टेवा पुग्ने प्रहरीको भनाई छ ।