मरक्–मरक् मर्काउँदै कम्मर
छिन्–छिन् चुरा बजाउँदै हत्केला
उफ्रि–उफ्रि ननाच सानी
माईती आगन यहि तीजमा भत्केला
संकल्प चापागाईको तीग गीत ‘मरक्–मरक् मर्काउँदै कम्मर’ बजारमा आएको छ । सन्तोष बरालको शब्द तथा प्रदिप त्रिपाठीको लयमा सम्झना भण्डारी र संकल्प चापागाईको स्वरमा तीज गीत आएको हो । मोडल तथा गायक प्रकाश सपुतको अभिनय रहेको छ ।
भिडियोमा तीजको बेला माईती जाने चेलीको ब्यथा उल्लेख गरिएको गायक संकल्प चापागाईले बताए । पोखराको बागमारामा छायंकन गरिएको गीतको भिडियोलाई सन्दीप खनालले कैद गरेका हुन् भने सुबास अम्गाईले सम्पादन तथा राम लामाले निर्देशन गरेका हुन् ।
भिडियोमा प्रकाश सपुतको साथै संकल्प चापागाई, सरीता ढकाल, निशा खड्का, बलराम पौडेल, शंकर चापागाई र सगुन थापाको अभिनय रहेको छ ।