Ganthan News Pokhara
All news from Pokhara & around

पोखरामा राष्ट्रिय खुल्ला एकल लोकनृत्य प्रतियोगिता हुने, गण्डकी अडिसन असार २८ मा

0

पोखरा, २७ असार/साउन १२ गते पोखरामा राष्ट्रिय खुल्ला एकल लोकनृत्य प्रतियोगिता हुने भएको छ। लोकस्रष्टा, साधक, शिल्पी कल्याण शेरचनको ७३ औं जन्म जयन्तीको अवसरमा कल्याण शेरचन स्मृति प्रतिष्ठान रानीपौवा पोखरा र साँस्कृतिक संस्थान(राष्ट्रिय नाँचघर) जमल काठमाडौंको संयुक्त आयोजनामा प्रतियोगिता गरिने बिहीवार पोखरामा पत्रकार सम्मेलन गरी जानकारी गराइएको हो ।

पोखरा उद्योग बाणिज्य संघमा हुने प्रतियोगितामाको विजेता एक जना महिला एक जना पुरुषले जनही १ लाख १ हजार १११ रुपैया सहित वर्ष उत्कृष्ट कलाकार उपाधिसहित साँस्कृतिक संस्थानमा एक वर्षका लागि रोजगार प्रदान गरिने छर। त्यस्तै दोश्रो हुने महिला र पुरुषले जनही ५० हजार ५१५ रुपैया, तेश्रो हुने महिला र पुरुषले जनही २५ हजार ५१५ र सात्वना महिला र पुरुष जनही १५ हजार ५१५ र उत्कृष्ठ कोरियोग्राफर महिला र पुरुष जनही २५ हजार ५१५ रुपैयासहित पुरस्कृत हुने कल्याण शेरचन स्मृति प्रतिष्ठानका सहसचिव प्रेमराज अधिकारीले जानकारी दिनुभयो।

पुरस्कार मात्रै ४ लाख ३६ हजार ३४२ रुपैया वितरण गरिने प्रतियोगिता सम्पन्न गर्न २३ लाख ३६ हजार खर्च लाग्ने अनुमान गरिएको कोषाध्यक्ष प्रदिप गौचनले जानकारी दिनुभयो।

प्रतियोगिताको अन्तिम स्पर्धाको लागि सातवटै प्रदेशबाट १६ जना कलाकारहरु नचौट गरिने पत्रकार सम्मेलनमा जानकारी दिनुभयो। गण्डकी प्रदेशबाट २ महिला र २ पुरुष छानिने भएकाछन भने अन्य प्रदेशहरुबाट १ महिला, १ पुरुष छनौट गरिने आयोजकले जनाएको छ।

१६ देखि २५ वर्ष उमेर समुहले भाग लिन पाउने प्रतियोगिताको अन्तिम चरणमा प्रवेशका लागि गण्डकी प्रदेशको छनौट असार २८ गते शनिवार, बिहान ११ बजेदेखि, पोखरा ३ नदिपुस्थित थकाली सेवा समितिमा हुने भएको छ। जस्का लागि प्रतिष्ठानका सल्लाहकार एवम हिमाली साँस्कृतिक परिवारका अध्यक्ष मेनकाजी गुरुङको अध्यक्षतामा छनौट समिति क्रियाशील रहेको छनौट समिति क्रियाशील रहेको छ।

यस्तै गरी प्रदेश नं.१ मा असार २८ गते नै धरानमा नगेन्द्र राईको संयोजकत्वमा अडिशन, प्रदेश नं. २ को साउन ५ गते राजविराजमा सन्दिप मण्डलको संयोजकत्वमा छनौट र साउन ४ गते प्रदेश नं.३ को काठमाडौं साँस्कृतिक संस्थानमा सारदा सिलवालको संयोजकत्वमा प्रदेशस्तरीय छनौट हुनेभएको छ।

यसरी नै प्रदेश नं. ५ को बुटवलमा साउन २ गते अनु रज्जकको संयोजकत्वमा रहेको छनौट समिति, साउन ६ गते कर्णाली प्रदेशको सुर्खेतमा कुलमान नेपालीले र असार २८ गते सुदुर पश्चिमको धनगढीमा लिलाधर बास्कोटाको संयोजकत्वमा रहेको समितिले कलाका छनौट गरी राष्ट्रिय प्रतियोगिताका लागि कलाकारहरु पोखरा पठाउने जिम्मेवारी रहेको पत्रकार सम्मेलनमा कार्यक्रमका संयोजक श्रीजंग गुरुङले बताउनुभयो।

कार्यक्रमबाट बचत हुने रकमबाट नेपालमै पहिलो नेपाली लोकबाजा संग्रहालय पोखरामा स्थापना गर्ने, नेपाली लोक सँस्कृतिको संरक्षण, संवद्र्धन तथा उत्थान गर्न, लोकस्रष्टा, साधक, शिल्पी कल्याण शेरचनले नेपाली लोक सँस्कृतिमा देख्नु भएको सपना पुरा गराउने, युवाहरुलाई लोक साँस्कृतिक प्रतिभा प्रस्फुटन गर्ने अवसर प्रदान गर्न, नेपाल भ्रमण वर्ष २०२० लाई लोक नृत्य मार्फत टेवा पुर्याई आन्तरिक पर्यटन प्रवद्र्धन हुने अपेक्षा लिइएको अध्यक्ष क्या.पुर्णबहादुर गुरुङ ह्योल्मोले बताउनुभयो।

वि सं. २००३ साल साउन १२ गते पोखरा ११ रानीपौवामा जन्मनु भएका लोकस्रष्टा, साधक, शिल्पी कल्याण शेरचन २०६७ साल माघ २४ गते स्वर्गारोहण हुनु भए पनिसोह्र वर्ष उमेरमा मै पनि झिल्के…, आहा कलिलो तामालाई सोध रामलाई…, ऐ भेना यो साल लाइदेउ मलाई पछ्यौरी मल्मल… लगायत थुप्रै लोक सिर्जनाहरु उहाँ अमर हुनुहुन्छ।

संगीत, खेलकुद र शिक्षा क्षेत्रमा महत्वपुर्ण योगदान दिनुभएका लोकस्रष्टा, साधक, शिल्पी कल्याण शेरचनको अमरत्वका लागि ६५ औं जन्मजयन्तीको अवसरमा हिमाली साँस्कृतिक परिवार र रेडियो अन्नपुर्णले २०६८ साउन १२ गतेदेखि १४ गते सम्म पश्चिमाञ्चलस्तरीय कौरा(चुडका) गीत प्रतियोगिता भव्यताका साथ सम्पन्न गरी २०६९ साल असार ११ गते कल्याण शेरचन स्मृति प्रतिष्ठानको विधिवत स्थापना गरिएको हो।

प्रतिष्ठानले स्थापना कालदेखि नै माघ २४ गते कल्याण शेरचन स्मृति दिवस र साउन १२ गते जन्म जयन्ती विशेष कार्यक्रम गर्दै आएको छ। जसअनुसार कल्याण स्मारिका तथा जम्काभेट गीतिसंगह लोर्कापण तथा स्रष्टा सम्मान, वरिष्ठ नृत्य निर्देशक भैरबहादुर थापा, बरिष्ठ फुटबल प्रशिषक तथा खेलाडी डम्मरसिंह गुरुङ, वरिष्ठा शिक्षाविद बलबीरसिंह नेगी, वरिष्ठ संगीतकार प्रकास गुरुङ, वरिष्ठ मादल बादक जयबहादुर बुढामगर, वरिष्ठ खेलाडी तथा प्रशिक्षक खडगबहादुर रानाभाट, वरिष्ठ सारंगीबादक, गाय तथा कलाकार कृष्णबहादुर गन्धर्व, वरिष्ठ शिक्षासेवी रुपबहादुर गुरुङलाई सम्मान र शिक्षाविद गणेबहादुर गुरुङलाई अभिनन्दन गरिएको छ।

यसरी नै प्रतिष्ठानले साँस्कृतिक संस्थानको सहकार्यक्रमा कल्याण शेरचनको ७१ औं जन्मजयन्ती २०७४ साउ १२ गते काठमाडौं राष्ट्रिय नाचघरमा राष्ट्रिय खुल्ला मादल बादन प्रतियोगिता २०७४, ७२ औं जन्मजयन्ती २०७५ साउन १२ गते राष्ट्रिय नाचघरमै राष्ट्रिय सारंगी उत्सव भव्यताका साथ सम्पन्न गरेको छ भने ७३ औं जन्मजयन्ती २०७६ साउन १२ गते राष्ट्रिय खुल्ला एकल लोकनृत्य प्रतियोगिता २०७६ आयोजना गरिएको प्रतिष्ठानका अध्यक्षले बताउनुभयो।

यसैगरी कल्याण शेरचन स्मृति प्रतिष्ठानले म्याग्दी दानास्थित ज्ञानप्रकाश माविको ८ कोठे विद्यालय भवन पहार ट्रष्ट नेपालको सहकार्यमा १ करोडमा लागतमा सम्पन्न गरेको छ भने भुकम्पबाट भत्किएको कास्की घान्द्र्रुक १ क्लिउँमा अवस्थित फुम्रोखुँ बराह माविको तीनकोठे भवन, शौचालय, स्नानगृहसहित २० लाखको लागतमा सम्पन्न गरेको कोषाध्यक्ष गौचनले बताउनुभयो।

कल्याण शेरचन स्मृति प्रतिष्ठानका अध्यक्ष क्या.पुर्णबहादुर गुरुङ ह्योल्मोको अध्यक्षतामा भएको पत्रकार सम्मेलनमा वरिष्ठ उपाध्यक्ष ज्ञानबहादुर थापाले स्वागत, सहसचिव प्रेमराज अधिकारीले प्रतियोगिताबारे जानकारी र कार्यक्रम संयोजक तथा प्रतिष्ठानका उपाध्यक्ष श्रीजंग गुरुङले कार्यक्रम सञ्चालन गर्नुभएको थियो।

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।