Ganthan News Pokhara
All news from Pokhara & around

पोखरा महोत्सवलाई बस्तुगत संघ सस्थाले सहयोग गर्ने

0

पोखरा १४ पुस /नवौ संस्करणको पोखरा महोत्सवलाई सफल वनाउनका लागी पोखराका बस्तुगत संघ संस्थाहरुले सहयोग गर्ने भएका छन । युनाइटेड क्लवको आयोजनामा आगामी पुसको २७ देखी माघको ८ गते सम्म अमरसिंह माविको खेल मैदानमा आयोजना हुने नवौ संस्करणको पोखरा महोत्सवमा पोखरामा रहेका ३४ वटा बस्तुगत संघ सस्थाहरुले सहयोग गर्ने भएका हुन ।

शनिवार युनाइटेड क्लवको कार्यालयमा सम्पन्न छलफल कार्यक्रममा वोल्दै बुद्ध बिशाल बजार ब्यवशायी संघका अध्यक्ष केशव वहादुर खत्रीले पोखरा महोत्सव विशुद्ध सामाजिक कामका लागी भएकाले आफ्नो संस्थाबाट पूर्ण रुपमा सहयोग गर्दै महोत्सवलाई भब्य र सभ्य बनाउनका लागी समेत सहयोग गर्ने प्रतिवद्धता ब्यक्त गरे । त्यसैगरी प्याब्सन कास्कीका वरिष्ठ उपाध्यक्ष मथुरा प्रसाद पौडेलले पोखरा महोत्सव अहिले सम्मकै सफल महोत्सव रहेको वताउदै आफ्नो संस्थामा आवद्ध विद्यालयका विद्यार्थीहरुलाई महोत्सव अवलोकन संगै पोखरा महोत्सवकै पहलमा लेखनाथमा निर्माणधिन ज्योलोजिकल पार्कको अवलोकनमा समेत सहभागीता जनाउने वताए ।

खुद्रा तथा किराना ब्यवशायी संघका अध्यक्ष चुडामणी आचार्यले पोखरा महोत्सवलाई आफ्नो संस्थाबाट निरन्तर सहयोग हुदै आएको र आगामी दिनमा पनि सहयोग निरन्तर रहने वताए । पोखरा इलेक्ट्रिकल एशोसियसनका अध्यक्ष राजेन्द्र बहादुर कार्कीले युनाइटेड क्लव संग विगतका वर्षहरु देखीनै सहकार्य गरेर आफ्नो संस्था अगाडी वढिरहेको सन्दर्भमा आगामी दिनहरुमा पनि पोखरा महोत्सव र युनाइटेड क्लव संग सहकार्य गरेरै अगाडी वढ्ने वताए । सो अवसरमा वोल्दै युनाइटेड क्लवका संस्थापक अध्यक्ष हिमालय बख्रेलले पोखरा महोत्सव नवौ संस्करण सम्म आइपुग्नुमा पोखरामा रहेका ब्यवशायी संघ सस्थाको मुख्य भुमिका रहेको वताउदै पोखरेलीको मायालेनै युनाइटेड क्लव अगाडी वढिरहन सहयोग पुगेको वताए ।

नवौ पोखरा महोत्सव ब्यानर ब्यवस्थापन उपसमिती संयोजक पूर्ण श्रेष्ठको संयोजकत्वमा सम्पन्न कार्यक्रममा क्लवका अध्यक्ष लालकाजी गुरुङ, क्लवका सचिव सूर्य बानिया लगायतले कार्यक्रममा उपस्थितलाई धन्यवाद ब्यक्त गरेका थिएभने कार्यक्रमको सञ्चालन क्लवका महासचिव तथा महोत्सव प्रचार प्रसार संयोजक शान्ता बहादुर थापाले गरेका थिए ।

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु