पोखरा, १ फागुन /अमेरिका स्थित बोष्टन र न्यू ह्याम्पशायरलाई आफ्नो कर्म क्षेत्र बनाएर बस्दै आएका नेपालीहरुले यहि फागुन ७ गते पोखरामा हुने “१३ औं सफल अन्तर्राष्ट्रिय पोखरा म्याराथन”लाई सहयोग गरेका छन ।
पोखरा स्थित भूतपूर्व खेलाडी मंचको कार्यालयमा पुगेर मंचका अध्यक्ष तेज गुरुङलाई समाजसेबी तथा खेलप्रेमी यम पौडेलले वोष्टन र ह्याम्पशायरमा नेपालीहरुले स्वत स्फूर्त रुपमा संकलन गरेको ३ लाख रुपैयाँ हस्तान्तरण गरेका हुन । पोखरा म्याराथनलाई पहिलो पटक अमेरिका बाट यस्तो सहयोग प्राप्त भएको हो ।
यसरी पोखरा म्याराथनलाई सहयोग गर्नेहरुमा बोष्टन र ह्याम्पशायरका सोम गुरुड़, कृष्ण खनाल, भुवन गुरुङ, यम पौडेल, झक गुरुङÞ, रत्न गुरुड़, टोप गुरुड, माधव रानाभाट, शम्भु गुरुड़, किरण खड़का, दिपेन्द्र लामीछाने, कर्साङ लामा, हरि ढकाल, रुप शाक्य, सुन्दर गुरुङ, वरेगन विष्णु कार्की, भक्त गुरुड़, खडग गुरुड़, राजेश गुरुड, बिकास गुरुङ, जेशिका गुरुङ, सुर्य गुरुङ, धिरज पुन, पुष्कर न्यौपाने गौरव थपलिया, मिन गुरुङ, शुरेन गुरुङ, दिल गुरुङ (माईकल) र अमेरिका ओरेगनका नारायण गुरुङ रहेका छन । सहयोग गर्ने मध्ये न्यू ह्याम्शायरका सोम गुरुङ मंचका आजिवन सदस्य समेत हुन ।
रकम हस्तान्तरण पछि बोल्दै पोखरा म्याराथनका सहयोगी याम पौडेलले पोखरा म्याराथन जस्तो कार्यक्रममा सहयोग गर्न पाउँदा बोष्टन र ह्याम्पशायरका नेपाली निकै खुसी रहेको बताए । आगामी दिनमा पनि बोष्टन र ह्याम्पशायरका नेपालीहरुले पोखरा म्याराथनलाई सहयोगको निरन्तरता दिने समेत उनले बताए ।
सो अबसरमा मंचका अध्यक्ष गुरुङले देश विदेशमा रहेका नेपालीजनहरुले पोखरा म्याराथनलाई सफल गराउन आ–आफ्नो तर्फ बाट खेलेको भूमिका प्रती आभार व्यक्त गरेका थिए । रकम हस्तान्तरण कार्यक्रममा मंचका संस्थापक अध्यक्ष खड्ग रानाभाट, प्रथम उपाध्यक्ष हरी प्रसाद पराजुली, महासचिब खेम गुरुङ, कोषाध्यक्ष मंजुलमान श्रेष्ठ, कार्यसमिती सदस्य योगेन्द्र बस्नेतको उपस्थिती रहेको थियो ।
अमेरिका स्थित बोष्टन शहरमा आयोजना हुने बोष्टन म्याराथनका लागि चर्चित शहर मध्येको एक हो । बोष्टन र ह्याम्पशायरका नेपालीले वोष्टनलाई पोखरा म्याराथन संग जोडनका लागि ५ सदस्यिय समिती समेत गठन गरेका छन । उक्त समितीमा भूवन गुरुङ, सोम गुरुङ, सुन्दर गुरुङ, धिरज पुन र किरण खड्का रहेका छन ।