सागर राज तिमिल्सिना
पोखरा, ७ असोज/नजिकिँदै गरेको चाडबाडलाई लक्ष्ति गदै टाटा मोट्र्सले नयाँ उत्पादन टिओगो पोखराको बजारमा भित्र्याएको छ । पेट्रोलबाट चल्ने स्पोर्टीज ह्याचव्याक मोडलको यो कारको मूल्य २२ लाख ५५ हजार रुपैयाँ तोकिएको छ ।
नेपालका लागि आधिकारी विक्रेता सिप्रदी ट्रेडिङका जनरल म्यानेजर प्रविण खतिवडा, पोखराको विक्रेता दीपलक्ष्मी ब्राईट ईन्टरनेशनल प्रालिका प्रबन्ध निर्देशक राजेन्द्र बाटाजु र नेपाल पत्रकार महासंघ कास्कीका अध्यक्ष रामकृष्ण ज्ञवालीले कारको सार्वजनीक गरे ।
अत्याधुनिक डिजाईन सहित डाइनेमिक ड्राइभिङ सुविधा भएको, उत्कृष्ट फ्युल क्षमताको यो कारमा रिभोटर्न १ दशमलब २ लिटर पेट्रोल इन्जिन रहेको छ । प्रतिलिटर २३ किलोमिटर गुड्ने कम्पनीको दावी छ । हाल एक्सइ, एक्सएम, एक्सजेट तीन डाइनामिक भेरियन्टमा र विभिन्न ६ कलरमा उपलब्ध रहेको खतिवडाले जानकारी दिए ।
कार बिग्रेमा ४८ घण्टा भित्र मर्मत ग्यारेन्टी गरिएको छ । ४८ घण्टा भित्र कार मर्मत नभएमा मर्मत शुल्क नलिने उनले जानकारी दिए । टिआगोको बजार मूल्य २२ लाख ५५ हजार रुपैयाँ तोकिएको छ । यो कार सन् २०१६ को फेब्रुअरीमा भारतमा पहिलो पटक बिक्री शुरु गरिएको थियो । हाल यो कार भारतमा मासिक करिब ५ हजार वटा बिक्री हुँदै आएको छ ।
हाल नेपालमा टाटा मोटर्सका करिब ७५ हजार सवारी सडकमा गुडिरहेको, कमर्शियल भेइकल्सतर्फ टाटाको बजार हिस्सा करिब ८० प्रतिशत रहेको र प्यासेन्जर भेइकल्सतर्फ करिव १४ प्रतिशत हिस्सा टाटाले ओगटेको कम्पनीको दावी छ ।
दशै तिहारको अवसरमा पोखरामा कार खरिद गर्दा एक लाख २५ हजार देखि १ लाख ७५ हजार सम्म छुट सुविधा रहेको दीपलक्ष्मी ब्राईट ईन्टरनेशनल प्रालिका प्रबन्ध निर्देशक राजेन्द्र बाटाजुले जानकारी दिए ।