पोखरा, २२ मंसिर/पोखराबाट काठमाडौं र काठमाडौबाट पोखराका लागि अत्याधुनिक सुविधायुक्त बस सञ्चालनमा आएको छ । दिवा सेवामा स्तरीय सेवा दिदै आएको जगदम्भा ट्राभल्सले रात्री बसमा पनि सुविधायुक्त बस थप गरि सञ्चालनमा ल्याएको हो । पृथ्बी राजमार्ग बस सञ्चालक समिति अन्तर्गत सञ्चालन हुने बसमा शौचालय र स्लिपर सिट रहेको छ ।
मंसिर २७ गतेदेखि नियमित सञ्चालन हुने मंगलबार आयोजीत पत्रकार सम्मेलनमा सञ्चालक केशब अधिकारीले जानकारी दिए । उनले बसमा अत्याधुनिक सुविधासम्पन्न ३० वटा स्लीपर सिट, सुत्नका लागि बल्याङ्केट, सुविधायुक्त मेकानिकल ट्वाईलेट, मिनिवारको सुविधा रहेको बताए ।
पोखरा र काठमाडौंबाट राती १० बजे छुट्ने बसको भाडादर ११ सय रुपैया रहेको उनले जानकारी दिए । यात्रुले चिया, कफीको साथै बेलुका हाईटी र विहान ब्रेकफाष्ट, मिठाई, पत्रपत्रिका, फेस टावेल लगायतको सुविधा प्राप्त गर्ने बताए । काठमाडौंबाट एक र पोखराबाट एक गरी दुई वटा बस सञ्चालनमा आउने र यात्रुको माग तथा आवश्यकता अनुसार थप गर्दै लगिने सञ्चालक अधिकारीले बताए । उनले करिब दुई करोडको लागनतमा बस सञ्चालनमा ल्यान लागेको बताए ।
पोखराको हेमजाबाट छुट्ने बस काठमाडौंको कलंकी, बल्खु, कोटेश्वर हुदै चक्रपथ परिक्रमा गर्ने पृथ्वीराज मार्ग बस व्यसायी समितिका अध्यक्ष ऐन कुमार साईले जानकारी दिए । पोखरा जगदम्भा ट्राभल्सले यसअघि पोखरा काठमाडौं रुटमा यस्तै सुविधायुक्त दिवा बस सञ्चालन गरेको थियो ।