पोखरा, ६ मंसिर / बहुप्रतिष्ठित जर्मन मोटरबाइक कम्पनी वि.एम.डब्लु. पोखरामा भित्रिएको छ । जोन्छे ग्रुप अन्तर्गतको जोन्छे मोटरआर्डले वि.एम.डब्लु. मोटरसाइकलको सोरुम पोखराको नयाँबजारमा ल्याउन लागेको हो ।
गुणस्तरीय रेसिङ र एड्भन्चर्सको लागि विश्व प्रख्यात ब्राण्डलाई पोखरामा भित्र्याउन आफूहरु सफल भएको कम्पनी द्वारा जारी विज्ञप्तिमा उल्लेख छ । प्रारम्भिक चरणमा दुई मोडलका मोटरसाइकलहरु पोखरामा भित्रिएका छन् ।
दुई मोडलहरु वि.एम.डब्लु.जी. ३१० आर. र जी ३१० जि.एस. मोटरसाइकलहरु पोखरामा भित्रिएको हो । विश्वस्तरीय सोरुम तथा सर्भिस सेन्टरको निर्माण समेत पोखराकै नयाँ बजारमा गर्ने छ ।
‘नौ लाख ५० हजार रुपैयाँबाट बिक्री सुरु हुने यी मोटरसाइकलका मोडलहरु सिटी र एड्भेन्चर्स दुबैको लागि उपयुक्त छ,’ विज्ञप्तिमा उल्लेख छ, ‘यस ठाउँको भूगोल र आवश्यकतालाई मध्यनजर गरेर जोन्छे ग्रुपले पोखरामा यो ब्राण्ड भित्र्याएको हो ।’
अन्य ब्राण्डका मोटरलाइकल भन्दा भिन्नता भएकाले धेरैको रोजाईमा वि.एम.डब्लु पर्ने कम्पनीको दावी छ । ‘कच्ची र पक्की दुबै सडकका यो बाइक अति नै उपयुक्त छ,’ विज्ञप्तिमा उल्लेख छ ।
विश्वविख्यात ब्राण्ड, बलियो र हेर्दासमेत लोभलाग्दो तथा आकर्षक देखिने वि.एम. डब्लु. मोटरसाइकलको बुकिङ खुल्ला भइसकेको सेल्स इन्चार्ज सुनिल रिमालले जानकारी दिए । तत्कालको लागि एक लाख रुपैयाँ बुझाएर मोटरसाइकल किन्न चाहनेहरुले बुकिङ गर्न सक्ने उनले बताए ।