पोखरा, १४ माघ । पोखराको नयाँबजारस्थित प्रदर्शनी केन्द्रमा जारी राष्ट्रिय औद्योगिक ब्यापार मेला–२०७०को छैटौ दिन मंगलबार सम्म मेलास्थलबाट ४ करोड ८० लाखको कारोवार भएको छ । आयोजक संस्था पोखरा उद्योग बाणिज्य संघका महासचिव नारायण कोइरालाका अनुसार ४५ हजार दर्शकले मेलाको अवलोकन गरेका छन् । उनका अनुसार आइतबार झण्डै ८ हजार ५ सय दर्शकले मेलाको अवलोकन गरे भने ४०लाखको कारोवार भयो ।
यता मेला अन्तर्गत भएको एकल नृत्य प्रतियोगितामा अमिषा परियार, मनिषा दाहाल, स्वेता गुरुङ, नर्मदा कुवँर, एलिना जिसि र उर्मिला गुरुङ दोस्रो चरणमा प्रवेश गरेका छन् । यसैगरी अन्तर जिल्ला उद्योग बाणिज्य संघ लोक दोहोरी प्रतियोगिता अन्तर्गत वालिङ र पर्वत उद्योग बाणिज्य संघ विचको प्रतिस्पर्धामा वालिङ विजयी बनेको साँस्कृतिक उपसमिति संयोजक दामु अधिकारीले बताए । बुधबार लेखनाथ र बुटबल तथा धादिङ्ग र म्याग्दी उद्योग बाणिज्य संघबीच दोहोरी गीत प्रतिष्पर्धा हुने भएको छ ।
यसैगरी एकल नृत्य प्रतियोगितामा सेजल गुरुङ, विपना गुरुङ, प्रिया अधिकारी, दिपेश लामा, कविता श्रृष्टि बुढाथोकी, अन्जु पौडेल, प्रमिला गुरुङ, प्रकृति थापा, सिद्धिका गुरुङ, दिपिका गुरुङ लगायतले प्रतिष्पर्धा गर्ने छन् । कलाकार तर्फ विष्णु खत्री, चन्द्र शर्मा, चन्द्र शर्मा, ज्योत्ती लोहनी, शिवहरी ढुङगाना, घनश्याम रिजाल, जिवन दाहालको प्रस्तुती रहनेछ भने हास्यँव्यङग्य तर्फको मुख्य आकर्षक राजा राजेन्द्र रहेका छन् । त्यस्तै पप तथा आधुनिक तर्फ पोखराको देउराली व्याण्डको लाईभ कन्र्सट हुनेछ । साथै आकर्षक मोर्डन डान्सले समेत दर्शकलाई मनोरञ्जन दिलाइने संघले जनाएको छ ।
यता संघले दैनिक प्रवेश टिकटमा राखेको सामसुङ मोवाइलको टचस्किन सेटको पुरस्कार मंसिर १३ गतेको ११०२ नम्बरको टिकटलाई प्राप्त भएको संघको सचिवालयले जनाएको छ । लगानीको सम्वद्र्धन, उद्योग ब्यवसायको प्रवद्र्धन भन्ने नारासहित आयोजित मेलामा खाद्य, दैनिक उपभोग्य बस्तु, लत्ताकपडा,अटो, पुष्प, लगातका २ सय ७० वटा स्टल रहेका छन् । मेला माघ २० गतेसम्म चल्नेछ ।