पोखरा, १६ चैत्र/“दिगो बिकाश लक्ष्य प्राप्तीका लागि सहकारी” भन्ने मुल नाराका साथ कास्कीमा मनाउन लागिएको ६१ औ राष्ट्रिय सहकारी दिबसको तयारी पुरा भएको शुक्रबार पोखरामा पत्रकार सम्मेलन गरि जानाकारी दिइएको छ । हरेक बर्ष जस्तै यस बर्ष पनि राष्ट्रिय सहकारी दिबस मनाउन बिभिन्न समितिहरु गठन गरिएको ६१ औ राष्ट्रिय सहकारी दिबस मुल आयोजक समितिका कास्कीका अध्यक्ष एबम् जिल्ला सहकारी संघ कास्कीका अध्यक्ष रबिरमण तिबारीले बताए ।
२०१३ साल चैत्र २० गते नेपालमा सहकारी स्थापना भएको दिनलाइ स्मरण गर्दैै प्रत्येक बर्ष सहकारी दिबस मनाउदै आइरहेको तिवारीले जानाकारी दिए । कार्यक्रमलाइ सफल बनाउन ७२१ सदस्यीय मुल आयोजक समिति ,२१ सदस्यीय सचिबालय सदस्य र ११ वटा उप समिति बनाइ ५ दिन सम्मको कार्यक्रम गरिने अध्यक्ष तिबारीले बताए ।
दिबसको अबसर पारेर ५ दिनको कार्यक्रम अन्र्तगत चैत्र १६ गते पत्रकार सम्मेलन ,१७ गते प्रचार प्रसार, १८ गते बृहत रक्तदान कार्यक्रम,१९ गते सरसफाइ ,२० गते प्रभात फेरि ¥याली ,सहकारी सभा र साझ दिप प्रजलनको कार्यक्रम रहेको आयोजकले जानाकारी दिएको छ । पत्रकार सम्मेलनमा बोल्दै नेप्स्कुन प्रदेश न ४ का संयोजक भिम गुरुङ्गले सहकारीले उत्पादनमुखी र जनजिविकाको सरोकार सँग जोडिएका हरेक कुराको लागि सदैब काम गरेको बताउदै सहकारी मैत्री कानुन बन्नुपर्नेमा जोड दिए ।
कानुन निर्माण को चरणमा रहेकोले सहकारी मैत्री कानुन निर्माणमा दबाब दिन पनि यो कार्यक्रम उर्पयुक्त भएको बताए । हाल कास्कीमा ६२९ सहकारी दर्ता भइ कारोबार गर्दै आइरहेका छन् । कार्यक्रम को संचालन जिल्ला सहकारी संघ कास्कीका सचिब धर्मराज अर्यालले संचालन गरेका थिए । कास्कीका सहकारीहरुले २५ अर्व २१ करोड २१ लाख ऋण लागनी गरेका छन् भने २१ अर्व ५० करोड ६४ लाख निक्षेप संकलन रहेको छ । त्यसै गरि ६ अर्व ६९ करोड ५९ लाख शयेर पुजीँ रहेको छ ।