पोखरा, २७ भदौ / मुस्ताङ बारागुङ मुक्तिक्षेत्र गाउँपालिका १ मुक्तिनाथ बजारमा रहेको हिमालयन प्याराडाइज
होटलमा चोरीमा संलग्नलाई प्रहरीले पक्राउ गरेको छ । सोही होटलमा काम गर्ने नवलपरासीको बर्दघाट
नगरपालिका ४ का आषिश खत्री र ओखलढुङ्गाको मलङ गाउँपालिका २ का गेल्पु शेर्पालाई पक्राउ गरेको हो ।
उनीहरुले होटलबाट १ लाख १५ हजार नगद, १० तोला सुनको बाला, १ थान सुनको औँठी, काण्डिमाला १ थान,
सुलेमाला २ थान, चाँदिको दिग्रा २ थान र मोति माला लगायतका धनमाल चोरी गरी फरार भएका थिए । प्रहरी
टोलीले मुस्ताङको घरपझोङ गाउँपालिका ४ काठेपुलबाट चोरी भएका धनमाल सहित नियन्त्रणमा लिईएको हो ।