पोखरा, १ फागुन /कास्कीको मादी गाउँपालिकामा चिरपटको प्रहारले श्रीमतीको हत्या गरेका छन् । सोमबार राती एक बहादुर विकले श्रीमतीलाई चिरपाटे दाउराले टाँउकोमा प्रहार गरेपछि मृत्यु भएको जिल्ला प्रहरी कार्यालय कास्कीले जनाएको छ ।
श्रीमान श्रीमती रक्सी खाएर बेला–बेलामा झगडा गर्ने गरेको एक स्थानीयले बताए । ‘जहिले पनि झगडा गर्थे,’ स्थानीयले भने, ‘दुवै रक्सी खाएर झगडा गर्थे ।’ सोमबार राती ८ बजे रक्सी दुवै रक्सीले मातिएकाथिए ।
त्यसपछि श्रीमान श्रीमती वीच झगडा सुरु भयो । एक आफसमा हानाहान हुँदा श्रीमानले एक्कासी चिरपटे दाउराले टाउकामा हानेका थिए । त्यस रात केही थाहा भएन ।
मंगलबार बिहान थाहा पाएपछि स्थानीयले प्रहरीलाई खबर गरेका थिए । खबर पाएपछि कास्की प्रहरीबाट गएको एक टोलीले श्रीमानलाई पक्राउ गरेको हो ।