पोखरा, १५ कात्तिक /तिहारको छेको पारेर पोखरामा आयोजना भएको पुष्प व्यापार मेलामा दुई दिनसम्म पाँच लाख बराबरको कारोबार भएको छ । आयोजकले मेलामा १० हजार दर्शक आएको दाबी गरेका छन् ।
‘मेलामा आउने संख्यासंगै फुलको कारोबार राम्रो भैरहेको छ ।’ आयोजक फ्लोरिकल्चर एशोसियसनका अध्यक्ष दयाकुमार द्वाले भने–‘पोखरामा पुष्प सँस्कृतिको विकास हुँदै गएको यहाँ भिजिट गर्न आउनेहरुको संख्याले देखाएको छ ।’ शनिबार देखि सयपत्रीफुलका मालाहरु पनि विक्रिमा राखिने आयोजकले जनाएका छन् ।
२५ वटा स्टल रहेको मेलामा झण्डै २५ लाखको कारोबार हुने आयोजकले जनाएको छ । मेलामा १५ रुपैया देखि १ लाख ५० हजार पर्ने फुलहरु राखिएका छन् । मेला आईतबारसम्म चल्नेछ ।