सागर राज तिमिल्सिना
पोखरा ९ कार्तिक/मनाङमस्र्याङदी क्लब तेस्रो सफल पोखरा कपको सेमिफाईनलमा प्रबेश गरेको छ । जावलाखेल युथ क्लबलाई ५–० को फराकिलो गोल अन्तरले हराउदै अघिल्लो बर्षको डिफेन्डीङ्ग च्याम्पीयन मनाङले अन्तिम चारको यात्रा तय गरेको हो । पोखरा रंगशालामा आज भएको खेलमा जावलाखेललाई स्तब्ध पार्ने क्रममा मनाङले पहिलो हाफमा एक र दोस्रो हाफमा थप ४ गोल गरेको थियो । खेलको १२ औं मिनेटमा दिपक राईको गोलसंगै पहिलो हाफमा एक शुन्यको अग्रता लिएको मनाङको लागि दोस्रो हाफको पहिलो मिनेटमै गोल गर्दै सुजल श्रेष्ठले अग्रता दोब्बर पारे ।
मनाङलाई जिताउने क्रममा सागर थापाले ६० औं मिनेटमा गोल गरे । रुपेश केसीको स्थानमा ६३ औं मिनेटमा मैदान छिरेका सुलभ मास्के ७६ औं मिनेटमा चौथो गोल थपे । ८८ औं मिनेटमा सुजल श्रेष्ठको कर्नरमा शिब श्रेष्ठको प्रहार जोगाउन नसक्दा जावलाखेलले हारको अन्तर कम गर्न सकेन । मनाङका खेलाडि सामु निरिह देखिएको जावलाखेलले खेल अबधिभर खासै राम्रो अबसर बनाउन सकेन ।
लगातार आक्रमणमा उत्रेको मनाङलाई रोक्न नसक्दा जावालखेल प्रतियोगिताबाट बाहिरिनु प¥यो । पहिलो रोजाईका किपर बिकास कटुवाल घाईते हुनु र अघिल्लो खेलमा रोतो कार्ड पाएर डिफेण्डर अजय थापामगर खेल्न नपाउनुपनि जावलाखेलको लागि घातक बन्यो । टिमका ४ खेलाडि बिना मैदान उत्रनुपर्दा लजास्पद हार ब्यहोर्नुपरेको जावलाखेलका प्रशिक्षक राजकुमार केसीले बताए । रक्षापक्ति कमजोर हुदा बिपक्षीले राम्रो अबसर पाएको उनको प्रतिक्रिया छ ।
मनाङका प्रशिक्षक हेमन्त आलेले उपाधि दोहो¥याउने लक्ष्यको साथ मैदान उत्रिएको बताएका छन् । भुटानमा सम्पन्न किग्स कप संगै गोर्खाकपको बिजेता मनाङले सफल कपकोे उपाधि हत्याउदै यो सिजनमा उपाधि माथि ह्याट्रिक गर्ने आलेको दाबि छ । मनाङले हिमालय शेर्पा र आर्मी बिच भोलि हुने खेलको बिजेतासंग फाईनल प्रबेशको लागि प्रतिश्पर्धा गर्नेछ ।