सफल पोखरा कप अन्र्तराष्ट्रिय फुटवल प्रतियोगिताको मिति नजिकिदै गर्दा राजधानीका विभिन्न क्लवहरु पनि यो प्रतियोगितामा भाग लिन उत्साहित देखिएका छन् । प्रतियोगिताको उपाधी जित्नका लागि राजधानीका केहि क्लवहरु अहिल्यैदेखि अभ्यासमा जुटिसकेका छन् ।
प्रतियोगिताको तयारीमा रहेको कास्की जिल्ला फुटवल संघको पदाधीकारिहरुले राजधानीका विभिन्न क्लवका जिम्मेवार पदाधीकारि तथा खेलाडीहरुसंग भेटघाट र छलफल समेत गरेको छ । राजधानीको तीन दिने भ्रमण सकि भर्खरै पोखरा फर्किएका संघ कास्कीका अध्यक्ष गोपीबहादुर भट्टराईले राजधानीका क्लवहरुले सफल कपका लागि देखाएको उत्साहले आफुहरुमा पनि खुसि ल्याएको बताए ।
‘ए डिभिजनका उत्कृष्ट क्लवहरुले सफल कपमा भाग लिने चाहना राखेका रहेछन’ उनले भने –‘उनीहरुसंगको भेटघाट पछि हामीमा पनि थप उत्साह थपिएको छ ।’ प्रतियोगिता संयोजक कुमार गुरुङ्गले यसपटकको प्रतियोगितामा विदेशका उत्कृष्ट तीन टिम विभागिय तीन, नेपालका ए डिभिजनका पाँच तथा आयोजक पोखराको एक गरि १२ टिमको सहभागिता रहने बताए । ‘अष्टे«लियाको मेलवर्न र हङकङको नेप्लीज हङकङ फुटवल एशोसिएसन आउने पक्का भै सकेको छ, अर्को टिम भुटानको राष्ट्रिय टिम हुन सक्छ’– उनले भने ।
आउदो कार्तिकको ५ देखि १६ गते सम्म पोखरा रंगशालामा सञ्चालन हुने प्रतियोगिताको तयारीका सन्दर्भमा संघ कास्कीको टोलिले प्रतियोगिताको मुख्य प्रायोजक लक्ष्मी ग्रुपको सफल दुध अन्तर्गत विभिन्न निकायका पदाधिकारीहरुसंगपनि भेटघाट तथा छलफल कार्यक्रम गरेको छ । प्रतियोगितालाई कसरि सफल पार्न सकिन्छ भन्ने विषयमा केन्द्रित रहेर राजधानीमा भएको छलफल कार्यक्रममा लक्ष्मी ग्रुपको तर्फबाट एक्जुकेटिभ डाइरेक्टर अञ्जन श्रेष्ठ, डेप्युटि जेनेरल म्यानेजर महेन्द्र श्रेष्ठ र ब्राण्ड अफिसर महेन्द्र कोइराला सहभागि थिए भने आयोजक संघको तर्फबाट संघका अध्यक्ष गोपीबहादुर भट्टराई, उपाध्यक्ष कुमार गुरुङ्ग, मिलन गुरुङ्ग र धरमसिंह लामिछानेको सहभागिता रहेको थियो ।