पोखरा, २७ भाद्र/पोखरामा शुरु भएको सफ्टटेनिस राष्ट्रिय च्याम्पियनशिप प्रतियोगितामा कास्कीका खेलाडीहरुले कडा चुनौतीको सामना गर्नुपरेको छ । कास्कीबाट आशा गरिएका तारामान गुरुङ्ग र अनिल शाहि मेन्स सिंगलमा दोश्रो चरणमा प्रतियोगिताबाट बाहिरिएका छन् । पहिलो खेलमा जित हाता पारेका तारामान प्रि क्वाटरफाइलनमा नेपाल पुलिस क्लवका कमल भण्डारीसंग ४–० ले पराजित भए ।
पुल ए बाट भण्डारीले क्वाटरफाइनलमा सिन्दुपाल्चोकका प्रदिप खत्रिलाई ४–० ले पराजित गर्दै अन्तिम चारमा स्थान बनाए । नेपाल सफ्टटेनिस संघको आयोजना तथा कास्की जिल्ला सफ्ट टेनिस संघको संयोजनमा भएको प्रतियोगिता अन्तर्गत पुल ए बाटै मोरङ्गका कृष्णबहादुर रावत सेमिफाइनलमा प्रवेश गरे । उनले प्रि.क्वाटरफाइलनमा मोरङ्गकै अभिषेक झालाई ४–३, ७–२ ले टाइब्रेकरमा पराजित गरे भने क्वाटरफाइलनमा कास्कीका अनिल शाहिपनि उनीसंगै पराजित भए ।
शाहिलाई ४–१ ले पराजित गरेपछि झा ले फाइनल प्रवेशका लागि कमल भण्डारीसंगको भेट निश्चित गरे । मेन्स सिंगलकै पोल बी तर्फ काठमाण्डौका मनोज सुब्बा र काठमाण्डौकै सुमन धौभडेलले सेमिफाइनलमा स्थान सुरक्षित गरे । मनोजले प्रि.क्वाटरफाइलनमा कास्कीका शक्ति शर्मालाई ४–१ ले तथा क्वाटरफाइनलमा नेपाल पुलिस क्लवका राजु नगरकोटीलाई ४–० ले पाखा लगाए । पोल बी तर्फनै धौभडेलले प्रि क्वाटरफाइनलमा कास्कीका विनोद योगिलाई ४–२ ले तथा क्वाटरफाइनलमा नेपाल पुलिस क्लवका नौबहादुर लुँडोलीलाई ४–३, ७–० ले टाइब्रेकरमा पराजित गरे ।
महिलातर्फ भने कास्कीका गंगा शर्मा पुल बी बाट सेमिफाइनलमा पुगेकि छिन् । उनले कास्कीकै प्रिति बराललाई ४–१ ले पराजित गरिन भने पुल बी कै अर्को खेलमा काठमाण्डौकि निरु कायस्थले काठमाण्डौकै उत्तरा मानन्धरलाई ४–० ले पराजित गर्दै सेमिफाइनलमा स्थान बनाइन् । पुल ए तर्फ एपिएफकी चन्द्रमाया राईले काठमाण्डौकि रेखा तुलाधरलाई ४–१ ले तथा काठमाण्डौकि एलिजा रञ्जितले कास्कीका अनु रोक्कालाई ४–० ले पराजित गर्दै सेमिफाइनलमा स्थान बनाइन् । यसअघि नेपाल सफ्टटेनिस संघका अध्यक्ष विनयविक्रम शाहले अन्र्तराष्ट्रिय अम्पायर आनन्दप्रसाद श्रेष्ठलाई बल हस्तान्तरण गर्दै प्रतियोगिताको उद्घाटन गरेका थिए । संघ कास्कीका सदस्य राजु गुरुङ्गले स्वागत मन्तव्य राखेका थिए ।