पोखरा, २४ भाद्र/अघिल्लो वर्षबाट शुरु भएको पत्रकारहरुको गुफा बसाइले यस वर्ष पनि निरन्तरता पाएको छ । लगातार तीन दिनसम्म एकापसमा नबोली बाह्य संसारसँग कुनै सम्पर्क पनि नहुनेगरि गुफा भित्र बसेर बाहिरी संसारका बारेमा समाचार लेख्न उनिहरु गुफा बसेका छन् ।
‘मिडिया गुफा’ नाममा गत वर्षदेखि सुरु भएको यो अनौठो अभ्यासका लागी देशभरबाट पत्रकारहरु छनौट गरिएको थियो । गुफा बसेका पत्रकारहरुमा पोखराकी पत्रकार दुर्गा अधिकारी रहेकी छन् । उनि पोखराबाट प्रशारण हुने रेडियो सफलताकी सन्चालक समेत हुन् । त्यसै गरि काठमाडौं ‘अन्नपुर्ण पोष्ट’का रविराज बराल, काठमाडौं ‘जागरण मिडिया सेन्टर’का महावीर विश्वकर्मा, काठमाडौं ‘उज्यालो नेटवर्क’का बोमलाल गिरी, झापाका स्वतन्त्र पत्रकार गोपाल झापाली, बाग्लुङको ‘रेडियो परिवर्तन’की कविता मगर छिन् ।
उनिहरुले गुफाभित्रैबाट इन्टरनेट र सामाजिक सञ्जालहरुको प्रयोग गरेर एक एकवटा फिचर समाचार तयार पार्नेछन् । उनीहरुलाई वरिष्ठ पत्रकार युवराज घिमिरेले ७२ घन्टासम्मै साथ दिने छन् ।
तस्वीर सौजन्य ः सेतो पार्टी डटकम