सागर राज तिमिल्सिना
पोखरा, ५ चैत पोखराकी सञ्चारकर्मि कन्चन थापाले फेसबुकमा
बिगारिदियौ किन मेरो रुप रङ्ग
हे मानुवा रैनछ तिम्रो सहि ढ्ङ्ग ।।
भन्दै फेसबुकमा पहेलो रंगको ढुङगाको तस्बिरमा पोस्ट गरेकी छन् । उनको पोस्टमा सकारात्मक र नकारात्मक दुबै प्रतिक्रिया आएका छन् । यती बेला पोखराको एउटा ढुङगाको तस्बिर सामाजीक सञ्जालमा हिट् छ । हिट् हुनुको कारण हो ढुङगामा लगाएको रंग ।
ढुङगामा लगाएको रंङका कारण सामाजीक सञ्जालमा कोही सरकारलाई गाली गरेका छन् छ कोहीले रंग लगाउनेलाई । पोखराको मुख्य बजारमा रहेको सोही ढुङगाबाट चिप्लेढुङगा नाम रहेको हो । सोही ढुङगामा पहेलो रंग लगाउदा अहिले बहसको विषय बनेको छ ।
चिप्लेढुङगामा कस्ले पहेलो रङ लगायो प्रशासनीक निकाय केसैलाई थाहा छैन । ढुङगामा ढुङगा अगाडी कै घर धनी योगमाया गुरुङले रंग लगाउन लगाएको बताएकी छन् । ‘मैले त ढुङगालाई अझ राम्रो देखीयोस् भनेर रंग लगाउन लगाएकी हु,’ उनले भनिन्– ‘रातीको समयमा ढुङगा नदेखेर दुर्घटना समेत हुने गरेको थियो, त्यही भएर पहेलो रंग लगाउन लगाएकी हुम् ।’
उनले आफुले ७ हजार भन्दा बढि खर्च गरेर रंग लगाउन लागेको बताइन् । उनले बाहिर विरोध भएको सुन्दा आफुलाई अचम्म लागेको बताइन् । उनले यस अगाडी पनि रंग लगाएको तर रंग नबसे पछि शनिबार साझँ लगाउन लगाएको बताइन् ।
ढुंगाको संरक्षणका लागि करिब दुई वर्ष अगाडी लायन्स क्लब अफ हेम्जाले स्टिलको बार बनाएको थियो । पोखरा महानगरपालिकाले चिप्लेढुङगालाई पहिले कै अवस्थामा फर्काउने बताएको छ ।