पोखरा, ९ साउन /‘अब नाच्छ नेपाल’ नाराका साथ एपी वान टेलिभिजनले सुरु गरेको प्रथम डान्स रियालिटी सो बुगीवुगीको ग्रान्ड फिनालेमा प्रवेश गरेकी तनहुँकी प्रगति पुनलाई जन्म र कर्म स्थलमा भव्य स्वागत गरेका छन् । पुनलाई उनको कर्मस्थल पोखरा र जन्मस्थल तनहुँको शुक्ला गण्डकीमा उनका सर्मथक साथी र आफ्न्तले भव्य स्वागत गरे ।
बुगिवुगीको फाइनल प्रवेश गरेपछि पहिलोपटक जन्मस्थान पुगेकी लायन्स क्लब अफ तनहुँ शुक्लागण्डकी टाउन र शुक्लागण्डकी युवा क्लबको आयोजनामा प्रगतिलाई स्वागत एवंम सम्मान गरेको छ । शुक्ला गण्डकी २ कोत्रे नर्सरीकी प्रगतिले हजारौ प्रतिष्पर्धीलाई पछाडी पार्दै गण्डकी प्रदेशको प्रतिनीधित्व गर्दै फाइनल सम्मको यात्रा तय गरेकी हुन् ।
उनलाई गण्डकी प्रदेशका आर्थिक मामिला तथा योजना मन्त्री किरण गुरुङ र प्रदेश सभा सदस्य आशा खनालले सम्मान गरे । कार्यक्रममा अर्थमन्त्री गुरुङले सफलता प्राप्तीका लागि संघर्ष गर्नुपर्ने बताए । ‘आफुभित्र रहेको प्रतिभालाई उजार गर्दै इमान्दरिताका साथ लाग्ने हो भन्ने एकदिन सफल भइन्छ’ मन्त्री गुरुङले भने, ‘यसको उदाहरण प्रगति हुन् ।’ प्रगतीले बुगीवुगीको फाइनसम्म आफ्नो मेहेनेतले पुगेको र विजेता बनाउने जिम्मेवारी हाम्रो रहेको भन्दै भोट गर्न अनुरोध गरे ।
प्रदेश सभा सदस्य आशा कोइरालाले हरेक मान्छेसँग प्रतिभा हुने र प्रस्फुटन गर्न सके मात्र सफल बन्ने बताइन् । ‘प्रगतीलाई विजेता गराएर सफल कलाकार बनाउने बताइन् । प्रगतिले आफुले सबैले माया पाएर फाइनलसम्मको यात्रा तय भएको उल्लेख गरिन् ।
प्रगतीलाई स्वागतका लागि उनका समर्थकको पोखरा विमानस्थलमा पुगेका थिए ।
विमानस्थलबाट पोखरा परिक्रमा गरेर मगर संघ कास्कीमा उनलाई सम्मान गरेका थिए । त्यस पछि तनहुँ घर पुगेकी उनलाई उनकी आमा र आफ्न्तले स्वागत गरे । बुधबार नै तनहुँका विभिन्न ठाउँमा कार्यक्रम गरी प्रगतीलाई सम्मान गरे गर्दै भोटमाग्न आग्रह गरेका छन् । कार्यक्रमा प्रगती र उनका साथीहरुले नृत्य देखाएर सबैलाई दंग पारेका थिए ।
अन्तिम प्रतिस्पर्धाका लागि तीन जना पुगेका छन् । उपाधीका भिडन्तका लागि सरोज मोक्तान, प्रगति पुन र कविता नेपाली प्रतिस्पर्धामा छन् । बुगिवुगीको अन्तिम प्रतिस्पर्धाको नतिजा साउन १९ गते हुने छ भने विजेताले नगद २५ लाख रुपैया पाउने छ ।