पोखरा, ३० काठमाडौ भारतीय पूर्वोत्तर राज्य पश्चिम बंगालको सत्तारुढ पार्टी तृणमूल कांग्रेसका नेताले दार्जीलिङका गोर्खालीलाई ‘नेपालीहरुलाई नेपाल फर्किजाउ भनेपछि गोर्खा जनमुक्ति मोर्चाका अध्यक्ष विमल गुरुङले आपत्ति जनाएका छन् । तृणमूल कांग्रेसका नेताहरुको यस्तो भनाइले र्जीलिङबासीलाई हेर्ने बंगाल सरकारको दृष्टिकोण स्पष्ट भएको गुरुङले बताए ।
उनीहरुको मानसिकताका कारण अलग गोर्खाल्याण्ड राज्य आवश्यक रहेको गुरुङले दाबी गरेको भारतीय सञ्चार माध्यमले जनाएका छन् । तृणमुल कांग्रेसका नेताले मंगलबार नेपाली हरु नेपाल जाओ भन्ने अभिव्यक्ति दिएको भारतीय सन्चार माध्यमले जनाएका छन् । जनताले आफैं लगाए कर्फ्यु यसैवीच मंगलबार दार्जीलिङमा जनताका तर्फबाट कफ्र्युको घोषणा गरियो ।
जनताले लगाएको कर्फ्युका कारण बजार पूर्णतः सुनसान देखिएको थियो । प्रहरी र पत्रकारबाहेक सडकमा कोही पनि मानिस निस्केनन् र आ(आफ्ना घरमा बसे । भारतले खलग तेलगांना राज्य दिने घोषणा गरेपछि दुईसातादेखि दार्जीलिङमा बन्द र हडताल जारी छ । अनिश्चितकालीन बन्दलाई न्ययालयले रोक लगाएपछि आन्दोलनकारीले मंगलबारदेखि आन्दोलनको स्वरुप परिवर्तन गरेको बताउँदै जनताको कर्फ्युघोषणा गरेका हुन् ।
जनताको अप्ठयारोलाई ध्यानमा राखी विहीबारदेखि आइतबारसम्म बजार खुल्ला गर्ने आन्दोलनकारीले बताएका छन् । आन्दोलनकारीलाई गिरफ्तार गर्ने अभियान राज्य सरकारले जारी राखेको छ । हालसम्म अढाइ सय भन्दा बढी आन्दोलनकारी नेताहरु पक्राउ परिसकेका छन् । जनताले नै कफ्र्यु लगाए पछि सकार हैरानीमा छ । तस्विरः एजेन्सी
![](https://ganthan.com/wp-content/uploads/2023/05/G-new-logo.jpg)