मतदाता नामावली संकलनको म्याद थपिने

उनले मुलुक भरका ६ देखि ७ लाखसम्म मतदाता छुटेको हुँदा आयोगले मतदाता नामावली संकलनका लागि म्याद थप गर्न लागेको बताए। ‘जनताले मतदाता नामावली थप गर्नुपर्छ भनेका छन्’ उनले भने–’जनताको आवश्यकता अनुसार नै म्याद थप गर्न लागिएको हो।’

उनले मंसिर चार गते संविधान सभाको निर्वाचन सम्पन्न गर्न आयोग तयार रहेको बताए। उनले संविधान सभाको निर्वाचनका लागि आयोगले तिब्र गतिमा तयारी गरिरहेको जानकारी दिए। ‘आयोग आफ्नो तर्फबाट निर्वाचन समयमै सम्पन्न गर्न पूर्ण रुपमा तयार छ’ उनले भने–’निर्वाचनको विरोध गरिरहेका राजनीतिक दललाई समेत निर्वाचनमा ल्याउने प्रयास भैरहेको छ।’

उनले मंसिर चार गते हुने संविधान सभाको निर्वाचन स्वतन्त्र, निश्पक्ष र विश्वसनीय हुने दावी गरे। उनले निर्वाचन आयोगले निर्वाचन सम्पन्न गर्न ३ लाख व्यक्तिलाई तालिम दिने व्यवस्था रहेको बताउदै उनले निर्वाचनका लागि शान्ति सुरक्षाको सम्पूर्ण व्यवस्था भईसकेको बताए।