अख्तियार दुरुपयोग अनुसन्धान आयोगले कानुनअनुसार मात्र भोजभतेर गर्न अपिल गरेका कारण एमाले नेता एबम् बरिष्ठ अधिवक्ता अग्नि खरेलले छोराको बहिेभोज रद्द गरेका छन् । उनले आर्मी अफिसर्स क्लबमा शनिवार साँझ ५ बजे प्रीतिभोज गर्न निम्ताकार्ड बाँडिसकेका थिए । आजको अन्नपूर्ण पोस्टमा खबर छ ।
अख्तियारले मंगलवार अपिल जारी गरेका कारण भोज स्थगित गर्नु परेको खरेलले बताए । ‘अख्तियारका प्रवक्तालाई उदृत गरेर ऐनअनुसार एकमात्र मोज गर्नु भनेको समाचार आयो , म पनि चाडपर्व कम खर्चिलो गरी मनाउनुपर्छ भन्ने मान्यता राख्छु, खरेलले भने ,’म पनि कानुन मान्छु, ध्यानाकर्षण गराउँदा गराउँदै मैले त्यस्तो भोग गर्दा सीधै कानुन उल्लंघन हुन्थ्यो ।’
खरेल अन्तरिम संविधानका मस्यौदाकार हुन् । एमाले केन्द्रदीय सदस्य उनी विघटित संविधानसभाका सदस्य पनि हुन् । उनका छोरा निशान र भजिता राजन खरेलको गत महिना विवाह भएको थियो ।
नेता खरेलका अनुसार दुवैको एउटै भोज आयोजना गरिएकाले सात-आठ सयजनालाई निम्ता बाँडिएको थियो ।
आफूले परिवार, कानुनव्यवसायी साथीभाई र एमाले कार्यवहाक अध्यक्ष बामदेव गौतमसँग सल्लाह गरेर यस्तो निर्णय गरेको उनले वताए । कानुन असान्दर्भिक भए त्यसलाई संशोधन गरी अद्याबधिक गर्नु पर्ने तर राज्यले ध्यानाकर्षण गराउँदा गराउँदै उल्लंघन गर्न नमिल्ने उनले बताए ।
– See more at: http://setopati.com/chapa-bata/2996/#sthash.aHkNS0nl.dpuf