बिरामी भेट्ने बहानामा बिनाको व्यापार

भरतपुरको क्यान्सर अस्पताल मुख्य गेट अगाडि रहेको चन्द्र सूर्य गेष्ट हाउसबाट उनीहरुलाई प्रहरीले मंगलबार दिउँसो साढे तीन बजे पक्राउ गरेको हो। गेष्ट हाउस सञ्चालकका अनुसार सोमबार दिउँसो एक महिला र दुई पुरुष आएर बसेका थिए। उनीहरुले क्यान्सर अस्पतालमा उपचार गराइरहेका एका बालकलाई भेट्न आएको बताएका थिए। होटलमा बसेपछि उनीहरु पटक बाहिर जाने गरिरहन्थे। उनीहरुलाई भेट्न मंगलबार दुई पुरुष आएका थिए। त्यस लगत्तै प्रहरीले उनीहरुलाई पक्राउ गरेको थियो।

चितवन प्रहरीका अनुसार भारत उत्तरप्रदेश नौतनवाका ५० वर्षीय मेहदी हसन र ३० वर्षीय भरत बनिया तथा वीरगन्जका ५२ वर्षीय मोहनप्रसाद साह र ५० वर्षीय रामभरोस साह पक्राउ परेका हुन्। उनीहरूसँगै पक्राउ परेको एक महिलाको भने नाम प्रहरीले गोप्य राखेको छ।

भारतीय नागरिक हसन र बनिया मंगलबार मात्रै होटलमा आएका थिए। बनिया यसअघि पनि भरतपुर क्यान्सर अस्पतालमा आउने गरेको  होटल सञ्चालको भनाइ छ। हिमाली क्षेत्रमा पाउने मृग प्रजातिको जंगली जनावर कस्तुरीको नाइटोमा हुने सुगन्धित बिना अत्तर लगायतमा बस्तु बनाउन प्रयोग गरिन्छ।

पक्राउ परेकाहरु कस्तुरीको व्यवसायमा संलग्न विशेष गिरोह भएको प्रहरीको भनाइ छ। उनीहरुबाट ७० ग्राम बिना बरामद भएको छ।