नेपाल राष्ट्र बैंकले जारी गर्ने १० रुपैयाँको नोट छाप्ने रिजर्भ बैंक अफ अस्ट्रेलियाका तत्कालीन प्रमुख कार्यकारी अधिकृत (सिइओ) तथा अन्य कर्मचारीमाथि त्यहाँको अदातलमा भ्रष्टाचार मुद्दामा सुनुवाई सुरु भएको छ । नोट पि्रन्टिङ अस्ट्रेलिया लिमिटेडका पूर्वअधिकारीले १० रुपैयाँ दरका नेपाली प्लास्टिक (पोलिमर) नोट छपाइमा राष्ट्र बैंक र नेपाल सरकारका अधिकारीलाई घुस नखुवाएको दाबी गरेको आजको नयाँ पत्रिकामा खबर छ ।
नोट प्रिन्टिङ अस्ट्रेलियाको केन्द्रीय बैंक (रिजर्भ बैंक अफ अस्ट्रेलिया) को सहायक कम्पनी हो । नोट छपाइमा भ्रष्टाचारको मुद्दा खेपिरहेका कर्मचारीहरुले अस्ट्रेलियाको भिक्टोरिया मजिस्ट्रेट अदालतमा भएको सुनुवाईका क्रममा राजदरबार हत्याकाण्डका कारण नोटको डिजाइन परिवर्तन हुँदा छपाई मूल्य महँगो भएको बयान दिएका छन् ।
‘२००१ मा भएको राजदरबार हत्याकाण्डका कारण नोटको पुनः डिजाइन गर्नुपर्यो, पुनः डिजाइनसहितको खर्च व्योहोर्न छपाई मुख्य बढाइएको हो, घुस खुवाउन होइन, ‘ उनीहरुका कानुन व्यवसायीले अदालतमा दिइको बयान उदृत गर्दै ब्लुमबर्ग बिजनेस विकले जनाएको छ । मुद्दा फैसला हुन करिब दुई बर्ष लाग्ने बताइएको छ ।
ठेक्का जित्न राष्ट्र बैंक, राजनीतिक दलका नेतालगायतलाई कमिसन खुवाउन घुस दिएको सार्वजनिक भएपछि नोट पि्रन्टिङ कम्पनीका उच्च तहका तत्कालीन अधिकारीले भ्रष्टाचारको मुद्दा खेपिरहेका छन् । तत्कालिन सिइओ, प्रमुख लेखा अधिकृत र बिक्री-प्रबन्धकले ठेक्का हात पार्न कम्पनीका स्थानीय एज्न्टमार्फत राष्ट्र बैक रसरकरी अधिकारीलाई घुस दिएर भ्रष्टाचार गरेको अभियोग छ ।
– See more at: http://setopati.com/chapa-bata/2698/#sthash.mj7CIXmb.dpuf