पोखरा, ६ भाद्र/पोखरा लेखनाथ महानगरपालिकाले पोखराका विभिन्न मासु पसलमा अनुगमन थालेको छ । सोमबार देखि थालेको अनुगमनमा अधिकांश मासु पसल मापदण्ड विपरीत देखिएका छन् ।
सोमबार २० वटा मासु पसल अनुगमन गर्दा सबैमा खुल्ला रुपमा मासु राखेर विक्रि वितरण गर्ने गरेको देखिएको अनुगमनमा सहभागी पोखरा लेखनाथ महानगर पालिकाका मेयरका स्वकिय सचिब लक्ष्मण तिमिल्सिनाले जानकारी दिए । उनले २० वटा अनुगमन गर्दा १९ वटाले दुई वर्ष देखि दर्ता रिनु नै नगरि सञ्चालन गरेको पाएको बताए ।
‘सोमबार अनुगमन गरीएका सबै मासुपसल मापदण्ड विपरीत छन्,’ तिमिल्सिनाले भने ‘पसल सञ्चालकहरुलाई मापदण्ड पु¥याएर सञ्चालन गर्न निर्देशन दिएका छौ ।’ उनले मंगलबार पनि अनुगमन गरीने बताए । अनुगमनमा महानगरका कर्मचारी, जिल्ला पशु कार्यालयका, मासु व्यवसायी समितिका अध्यक्ष लगाएतको सहभागीता रहेको थियो ।