पोखरा, ९ जेठ/पोखरा लेखनाथ महानगरपालिका वडानम्बर १७, १८, १९, र २० मा एमालेको प्यानल नै विजयी भएको छ ।मंगलबार सम्पन्न मत गणना अनुसार पोखरा लेखनाथ महानगर पालिका वडा नम्बर १७ मा एमालेका उमेद्वार तीर्थराज अधिकारी वडा अध्यक्षमा विजयी भएका छन् ।उनले नेपाली काग्रेसका पुण्डरी प्रसाद बराललाई पराजित गरेका हुन् ।एमालेका अधिकारीले ३ हजार ४६ मत प्राप्त गर्दा उनका निकटतम प्रतिद्धन्दी नेपाली काङ्ग्रेसका बरालले १ हजार ७ सय ८३ मत प्राप्त गरेका छन् । खुल्ला सदस्यमा एमाले कै बैकुण्ठ भण्डारी, शान्तादेवी गुरुङ, महिला सदस्यमा राधीका कुमारी शाही र दलित महिला सदस्यमा तारा परियार विजयी भएका छन् ।
यस्तै, पोखरा लेखनाथ महानगर पालिकाको वडा नम्बर १८ मा पनि नेकपा एमालेका उमेद्वार रणबहादुर थापा सहित प्यानल नै विजयी भएको छ । अध्यक्षमा एमालेका उमेद्वार रणबहादुर थापाले १ हजार ६ सय ७९ मत प्राप्त गर्दा निकटतम प्रतिद्धन्दी नेपाली काग्रेसका उमेद्वार भरत थापाले ९ सय ७१ मत मात्रै पाएका थिए ।एमालेका तर्फबाट महिला सदस्यमा भोजकुमारी थापा, दलित महिला सदस्यमा सरला नेपाली, खुल्ला सदस्यमा हरी लम्साल र ज्ञान बहादुर थापाले जित हासिल गरेका छन् ।
यसैगरी, पोखरा लेखनाथ महानगरपालिका वडा नम्बर १९ मा पनि एमालेका उम्मेदवार शोभा मोहन पौडेल सहितको प्यानल बिजयी भएको छ ।पौडेलले निकटतम प्रतिद्धन्दी नेपाली काग्रेसका उम्मेदवार पुष्पेन्द्र पाण्डेलाई ५ सय २३ मतले पराजित गरेका छन्। पौडेलले २ हजार ४ सय ८३ मत प्राप्त गर्दा पाण्डेले जम्मा १ हजार ९ सय ६० मत पाएका थिए । महिला सदस्यमा कोपिला केसी र दलित महिला सदस्यमा तारा नेपाली विजयी भएका छन् ।खुल्ला सदस्यमा एमालेका कोमल प्रसाद शर्मा बास्तोला र कृष्ण प्रसाद गौतम निर्वाचित भएका छन् ।
यस्तै,पोखरा लेखनाथ महानगरपालिका वडा नम्बर २० मा पनि एमालेका उमेद्वार सिम गुरुङ सहितको प्यानल विजयी भएको छ ।गुरुङले १ हजार २ सय २३ मत सहित जित हात पारेका हुन् ।उनका निकटतम प्रतिद्धन्दी कांग्रेसका महेन्द्र अधिकारीले ६ सय ३१ मत प्राप्त गरे । गुरुङले अधिकारीलाई ५ सय ९२ मत अन्तरले पराजित गरेका हुन् ।
महिला सदस्यमा एमालेकी लक्ष्मीदेवी सुवेदी निर्वाचित भइन् भने दलित महिला सदस्यमा अन्बुजा विक, खुल्ला सदस्यमा एमालेका भिम प्रसाद वास्तोला र मोती प्रसाद पौडेल विजयी भए । यो सगै पोखरा लेखनाथ महानगरपालीकाका २० वटा वडाको अन्तिम नतिजा प्राप्त भएको छ । जसमा एमाले १२ वटा वडामा बिजय भएको छ भने काङ्ग्रेस ८ वटा वडामा बिजय भएको छ । मेयर र उपमेयर पदमा भने एमालेको अग्रता कायमै रहेको छ ।