सागर राज तिमिल्सिना
पोखरा, १५ पोखरा/राष्ट्रिय आविस्कार केन्द्र स्थापनार्थ सहयोगको लागि पोखराको नदिपुरमा रहेको बालमन्दिर विद्यालयका विद्यार्थीहरुले सहयोग गरेका छन् । राष्ट्रिय आविस्कार केन्द्रका अभियन्ता एंव संयोजक महाविर पुनलाई विद्यार्थीहरुले संकलन गरेको ४० हजार रुपैया आइतबार हस्तान्त्ररण गरे ।
विद्यालयमा आयोजीत कार्यक्रममा विद्यार्थी कल्याणकारी संघका अध्यक्ष सुजन क्षेत्रीले पुनलाई हस्तान्त्ररण गरे । हस्तान्त्ररण कार्यक्रममा पुनले नेपालको विकासका लागि पहिलो चरणमा कृषिमा आधुनीकीकरण गर्न अनुसन्धान गर्न आवश्यक रहेको बताए । उनले कृषिलाई आधुनीकिकरण गर्न सके नेपाल आत्म निर्भर हुने बताए ।
बाझो खेतलाई हराबरा बनाउन अब विज्ञान कै आवश्यकता रहेको बताए । राष्ट्रिय आविस्कार केन्द्र स्थापनार्थ अहिले सम्म २ करोड २० लाख रकम संकलन भईसकेको बताए । उनले आविस्कार केन्द्रका लागि करिब ५० करोड आवश्यक पर्ने बताए । उनले विद्यार्थीहरुको प्रश्नको उत्तर दिदै उनले आफुले पाएको बहुमुल्य ५ वटा पदक पनि विक्रिमा राखेको बताए । उनले घरमा राख्नु भन्दा विक्रि गरेर राष्ट्रिय आविस्कार केन्द्रलाई सहयोग गर्ने उद्देश्यले विक्रिमा राखेको बताए । उनले सबैले आविस्कार केन्द्रमा समान अवसर पाउने बताए ।