सागर राज तिमिल्सिना
पोखरा, १७ मंसिर/नेकपा एमाले कास्कीले सरकारले व्यवस्थापिका संसदमा दर्ता गरेको संविधान संशोधनको प्रस्ताव फिर्ता लिन माग आज पोखरामा प्रर्दशन गरेको छ । पोखराको सभागृहचोक देखि मानवअधिकार चोकमा जुलुस सहित एमालेले प्रर्दशन गरेको हो ।
प्रस्ताव नेपाली जनताको पक्षमा नरहेकाले त्यसलाई फिर्ता लिन सरकारलाई दबाब दिने उद्देश्यले प्रर्दशन गरेको एमालेका नेताहरुले बताएका छन् । उनीहरुले हिमाल पहाड तराई कोहि छैन पराइ, प्रदेश फुटाउन पाइदैन, राष्ट्रघाती संम्सोधन फिर्ता गर लगाएका नारा लागएका थिए । कोष सभामा एमालेका नेताहरुले संबोधन गर्दै प्रस्तावले पहाड र तराईका जनताबीचको एकतालाई फुटाउने खजेको भन्दै कुनै पनि हालतमा संसोधन हुन नहुने बताए ।
सरकारले मधेसी मोर्चाको माग सम्बोधन गर्न सीमाङ्कन, नागरिकता, राष्ट्रियसभामा समावेशी प्रतिनिधित्व र भाषाको विषयलाई संशोधन गर्न प्रस्ताव दर्ता गरे पछि एमाले लगाएतका पार्टिहरु आन्दोलनमा उत्रिएका छन् ।
![संविधान संशोधनको प्रस्ताव फिर्ता लिन माग गर्दै एमाले कास्कीको प्रर्दशन](https://ganthan.com/wp-content/uploads/uml-ko-pokhara-pardasan-1.jpg)
संविधान संशोधनको प्रस्ताव फिर्ता लिन माग गर्दै एमाले कास्कीको प्रर्दशन
![संविधान संशोधनको प्रस्ताव फिर्ता लिन माग गर्दै एमाले कास्कीको प्रर्दशन](https://ganthan.com/wp-content/uploads/uml-ko-pokhara-pardasan-2.jpg)
संविधान संशोधनको प्रस्ताव फिर्ता लिन माग गर्दै एमाले कास्कीको प्रर्दशन