पोखरा , १४ मंसिर।पश्चिम क्षेत्रीय सशस्त्र प्रहरी बल मुख्यालय मुक्तिनाथ वाहिनीमा तीन महिने बिद्युत जडान तालिम सुरु भएको छ ।श्रम तथा रोजगार मन्त्रालय ब्यवसायीक तथा सीप विकास तालिम केन्द्र पोखराको सहयोगमा मुक्तिनाथ वाहिनीद्धारा आयोजित तालिमको आज सशस्त्र प्रहरी नायव महानिरिक्षक नरेन्द्र कुमार सिंहले उद्घाटन गरे । सिंहले तालिमबाट सिकेका सीप जागिरे जीवनको साथै जागिरबाट अबकाश लिएपछि पनि काममा आउने भएकाले महत्वपूर्ण रहेको बताए ।
तालिम केन्द्र पोखराका प्रमुख तीलकराम रिजालले तालिमबाट प्रप्त हुने प्राविधिक ज्ञानले आय आर्जनमा पनि सघाउने विश्वास ब्यक्त गरे । सशस्त्र प्रहरी उपरिक्षक मान बहादुर रजालीले तालिम फलदायी हुने विश्वास ब्यक्त गर्दै सक्रियताका साथ सहभागि हुन निर्देशन दिए । तालिममा नेपाली सेनाका पाँच तथा सशस्त्र प्रहरी वल मुक्तिनाथ वाहिनी अन्तर्गतका विभिन्न गण तथा गुल्मका गरी ३० जनाको सहभागिता छ । सशस्त्र प्रहरी कर्मचारीलाई लक्षित गरी पोखरामा आयोजना गरिएको यो पहिलो तालिम हो ।