पोखरा १४ मंसिर।पोखराको अपर सेतीमा जारी १५ औँ हिमालयन ह्वाइट वाटर च्यालेन्ज कायकिङ प्रतियोगितामा मंगलबार बोर्डर क्रस हेड टु हेड अन्तर्गतको खेल सम्पन्न भएको छ । मंगलबार सम्पन्न खेलमा पुरुषतर्फ अमेरिकाका गारेन स्टेफेन प्रथम भएका छन । बोर्डर क्रसमा बेलायतका नोएह फिलिप्स र नेपालका दिपेश गुरुङ क्रमस द्धितिय र तृतीय स्थान हासिल गर्दै अघिल्लो चरणमा प्रवेश गरेका छन ।
त्यसैगरी मंगलबार सम्पन्न महिलातर्फको बोर्डर क्रसमा बेलायतका बेथ मोर्गन प्रथम, अमेरिकाका किरा पाउलस द्धितिय र आयरल्याण्डकी सुसन डोयल तृतीय स्थान हासिल गर्दै अघिल्लो चरणमा प्रवेश गरेकी छिन । एक किलोमिटर दुरीको बोर्डर क्रस हेड टु हेडमा बिदेशी र नेपाली गरी ५२ जना खेलाडीहरु सहभागी थिए । मंगलबारको बिजेताहरु बुधबार हुने स्ट्रीम सललममा प्रतिस्पर्धा गर्नेछन ।
मंगलबार छनौट भएका ४ जना र सोमबार छनौट भएका २८ जना गरी ३४ जनाले बुधबारको खेलमा सहभागीता जनाउने नेपाल एशोसियसन अफ ¥याफ्टिङ एजेन्सिज नाराका पश्चिमाञ्चल संयोजक नीम बहादुर मगरले जानकारी दिए ।