लोकमानलाई ७ दिनभित्र अदालतमा उपस्थित हुन आदेश

काठमाडौं, कात्तिक २३।सर्वोच्च अदालतले अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीलाई अदालतको म्याद तामेली गर्न अवरोध गर्नुको कारण सहित ७ दिनभित्र अदालतमा उपस्थित हुन आदेश दिएको छ । न्यायाधीश आनन्द मोहन भट्टराईको इजलासले लोकमानलाई ७ दिन भित्र म्याद तामेली गरेको विषयमा कारबाही गर्नु नपर्ने कारण सहित आफै अदालतमा उपस्थित हुन आदेश दिएको हो ।अधिवक्ता ओमप्रकाश अर्यालले सर्वोच्चको म्याद तामेलीमा अवरोध पुर्याएको दाबी सहित लोकमान , उनका ज्वाँइ प्रवल थापा, छिमेकी प्रमोद कार्की र प्रहरी नायव निरीक्षक नहकुल गौतमलाई विपक्षी बनाई मुद्दा दायर गरेका थिए ।

लोकमानलाई ७ दिनभित्र अदालतमा उपस्थित हुन आदेश
लोकमानलाई ७ दिनभित्र अदालतमा उपस्थित हुन आदेश

रिटको पक्षबाट आज अधिवक्ताहरु टीकाराम भट्टराई, गोविन्द बन्दी लगायत १० जनाले बहस गरेपछि सर्वोच्चको आदेश आएको हो ।अख्तियार प्रमुख कार्कीको घरमा म्याद तामेलीको पत्र टाँस्न गएका तामेलदारलाई लोकमानका आफन्त र छिमेकीले अवरोध गरेका थिए ।  सर्वोच्चले अदालतलको काममा असहयोग र अवरोध गर्नु विधिको शासनमाथि कै प्रहार भएको ठहर पनि गरेको छ । यसैबिच, माओवादी केन्द्रका सांसद महेन्द्र बहादुर शाही प्रस्तावक र एमालेका सांसदको समर्थनमा संसदमा अख्तियारका निलम्बित प्रमुख कार्कीविरुद्ध महाअभियोग प्रस्ताव दर्ता समेत भएको छ ।

कमेन्टहरु
Loading...