पोखरा, ९ असोज /रेष्टुरेण्ट एण्ड बार एसोसियसन नेपाल ९रेबान० पोखराले पर्यटन प्रवद्र्धन गर्न मिनी सडक महोत्सवको गर्ने भएको छ । पर्यटन दिवसको अवसर पारेर असोज ११ गते मिनि सडक महोत्सव गर्ने रेवानका अध्यक्ष चौ बहादुर गुरुङले जानकारी दिए ।
विश्व पर्यटन दिवसको अवसरमा रेवानले विगत ८ वर्षदेखि मिनी सडक महोत्सव गर्दै आए उनले जानकारी दिए । पोखरालाई राष्ट्रिय तथा अन्तर्राष्ट्रिय क्षेत्रमा पहिचान गराउने उद्देश्यले सडक महोत्सव र मिनी सडक महोत्सव गर्दै आएको उनले बताए ।
मिनी सडक महोत्सव बाराही चोकदेखि खहरेसम्म बेलुका ५ः०० बजेबाट राति अबेरसम्म एक दिने मिनी सडक महोत्सव आयोजना गर्न लागेको मिनी सडक महोत्सवका संयोजक वैभव पौडेलले जानकारी दिए ।
महोत्सवमा सडकमै विभिन्न राष्ट्रिय तथा अन्तर्राष्ट्रिय खानाको परिकार रेस्टुरेन्टहरुले उपलब्ध गराउने उनले जानकारी दिए । रेस्टुरेन्टहरु सडकमै हुनेछन् । नेपालका विभिन्न जातीय तथा धार्मिक संस्कृति झल्कने सांस्कृतिक कार्यक्रम तथा पर्यटकीय आकर्षण वृत्तचित्रको प्रदर्शनी, सडकमै मनोरञ्जनात्मक कार्यक्रमहरुको प्रस्तुतिका साथ मिनी सडक महोत्सव आयोजना हुने पौडेलले जानकारी दिए । पञ्चेबाजा, गन्धर्व बाजा र लाइभ म्युजिक मिनी सडक महोत्सवका आकर्षण हुनेछन् । नेपाल पर्यटन बोर्ड महोत्सवको प्रवद्र्धक रहेको छ ।
पर्यटन दिवसका दिन बस र जहाजबाट पोखरा आइपुग्ने पाहुनालाई पोखरा र एयरपोर्ट र पोखरा बसपार्कमा फूलमाला र पञ्चेबाजासमेतले स्वागत गर्ने तयारी रहेको छ । त्यसै गरि लेकसाइडमा सौर्यबत्ती मर्मतसम्भार गरी सबैतिर बल्ने बनाइँदैछ । बिग्रेका सिसिटिभी मर्मतसम्भार गरी पुनःसञ्चालन गर्ने तयारी समेत रहेको रेवान पोखरा निर्वतमान अध्यक्ष गापी भट्टराईले जानकारी दिए । ।