क्षेत्रीको समुहलाई बुद्ध विशाल बजारको साथ, भाषणमा भन्दा काममा विश्वास गर्छु–क्षेत्री

पोखरा, ३० भदौ /पोखरा उद्योग वाणिज्य संघको ३१ औं महाधिवेशनका अध्यक्षका प्रत्यासी देव क्षेत्रीलाई बुद्ध विशाल बजार व्यापारिक एसोसीयसनले साथ दिएको छ । विहिवार क्षेत्रीको स्वागत र सम्मान कार्यक्रमममा एसोसीयसनका अध्यक्ष प्रदिप कुमार मुल्मीले क्षेत्रीलाई विजयीको शुभकामना दिदै आगामी दिन विशाल बजार र संघबीचको सम्बन्ध प्रगाढ हुने विश्वास व्यक्त गर्नुभयो ।

सो अवसरमा बोल्दै अध्यक्षका प्रत्यासी क्षेत्रीले आफू सधै व्यवसायीको नजिक रहेका कारण उनीहरुको समस्या थाहा भएको बताउदै हरेक दुःखमा साथ दिने प्रतिवद्धता व्यक्त गर्नुभयो । आफू भाषणमा भन्दा बढि काममा विश्वास गर्ने बताउदै क्षेत्रीले विजयी पश्चात पनि व्यसायीको सुझावलाई मध्यनजर गरि अघि बढ्ने दाबी गर्नुभयो ।

बरिष्ठ उपाध्यक्ष पदका उम्मेदवार मिनराज काफ्लेले लामोसमयसम्म कर्मथलो विशाल बजार भएको बताउदै आफ्नो समुहलाई साथ दिएको धन्यवाद व्यक्त गर्नुभयो । साथै उहाँले प्रादेशिक क्षेत्रको नेतृत्वको लागि विभिन्न उद्योग वाणिज्य संघसँग छलफल गरि खाका तयार पारेको जानकारी दिदै आगामी दिनमा अझ प्रभावकारी तरिकाले व्यवसायिक हितमा लाग्ने बताउनुभयो ।

क्षेत्रीको समुहमा रहेका १७ जना पदाधिकारी र सदस्यहरुले विहिवार पोखराको पृथ्वीचोक, सभागृहचोक, न्यूरोड, बुद्ध विशाल बजार, अमरसिंहचोक लगायतका क्षेत्रका व्यवसायीहरुबीच पुगेर मत मागेको प्रचार प्रसार समितिले जनाएको छ ।
यसैबीच पृथ्वीचोक र सभागृहचोकका व्यवसायीले पोउवा संघको अध्यक्षका प्रत्यासी देव क्षेत्रीको समुहलाई विहिवारै स्वागत तथा सम्मान गरेका छन् । अन्नपूर्ण मेसिनरी एण्ड दुल्र्सका प्रोपाईटर देवराज आचार्य, व्यवसायीहरु विश्वराज आचार्य लगायतले अग्रिम बधाई दिदै सम्मान गरेका छन् ।

यसैगरी पोखरा मलका व्यवसायीहरु सुर्य प्रसाद श्रेष्ठ, भिम क्षेत्री, उमाकान्त पौडेल, दिलि पोख्रेल, विकास क्षेत्री लगायले खादा र अबिरले सम्मान गरेका छन् । उनीहरुले क्षेत्रीको समुहको विजयी सुनिश्चित रहेको बताउदै साथ दिन सबै व्यवसायीलाई आग्रह गरेका छन् । सो अवसरमा उद्योग तर्फको उपाध्यक्ष पदकी उम्मेदवार सिता गुरुङले गएको दुई वर्ष उद्योग व्यसायीकोबीचमा खर्चिको बताउदै उद्यमशिलताको विकासमा आफू लाग्ने प्रतिवद्धता व्यक्त गर्नुभयो ।

युनाईटेड क्लवले पनि क्षेत्रीको समुहलाई सम्मान गरेको छ । क्लवका संस्थापक अध्यक्षसमेत रहनुभएका हिमालय बख्रेल संघको सदस्य पदमा उम्मेदवारी दिनुभएको छ । क्लवका अध्यक्ष सुक बहादुर गुरुङले क्लवको अनुभव संघमा उपयोग गर्न आग्रह गर्नुभयो । आगामी भाद्र ३१ र असोज १ गते हुने संघको ३१ औं महाधिवेशनमा क्षेत्रीको समुहबाट बरिष्ठ उपाध्यक्षमा मिनराज काफ्ले, उद्योग तर्फको उपाध्यक्षमा सिता गुरुङ, वाणिज्यतर्फको उपाध्यक्षमा सुरेश अधिकारी चुनावी मैदानमा रहेका छन् ।

महासचिवमा लक्ष्मी क्षेत्री पाण्डे, कोषाध्यक्षमा जनकराज पराजुली, उप–महासचिवमा अर्जुन पोख्रेल हुनुहुन्छ । सदस्य पदमा अर्जुन खनाल, कुमारी मुना बास्तोला, गिरधारी शर्मा, गोमा ढकाल, चिनु गुरुङ, नवराज त्रिपाठी, बलराम आचार्य, महेश्वर पोख्रेल (शिव), हरिराज पन्त र हिमालय बख्रेल हुनुहुन्छ ।

कमेन्टहरु
Loading...