सागर राज तिमिल्सिना
पोखरा, २६ भदौ/सिटिसाइकल सिटी पोखराको आयोजनामा हुने दोस्रो सस्करणको टुर दि पोखरा–२०१६ असोज दोस्रो साता हुने भएको छ । पोखराको फेवाताल किनार बाराहीघाटबाट सुरु भई लेखनाथको बेगनासतालमा पुगेर सम्पन्न हुनेछ ।
असोजको ८ गते हुने टुर दि पोखरालाई जयन्ती मेमोरियल ट्रष्टले सहयोग रहेको आइतबार पोखरामा आयोजीत पत्रकार सम्मेलनमा आयोजकले जानकारी दिए । बाराहीघाटबाट सुरु भएको साईकल ¥याली हल्लनचोक, जरेवर, सृजनाचोक, सिमलचौर, बगालेटोल, गणेशटोल, नालामुख, भिमसेनटोल, भैरवटोल, मोहरियाटोल, विन्ध्यवासिनी, बागबजार, बगर ट्क्यासीचोक, नदीपुर, पालिखेचोक, महेन्द्रपुल, पृथ्वीचोक अम्मरसिहचोक, विजयपुर तालचोक, भण्डारढिक, पोखरा विश्वविद्यालय, शिसुवाचोक हुदै बेगनास पुग्नेछ ।
पोखरा देखि करिब २८ किलोमिटर दुरीतय गरेको टुर दि पोखरा–२०१६ का संयोजक निरज थापाले जानकारी दिए । उनले कार्यक्रम सम्पन्न गर्न करिब ११ लाख ५० हजार खर्च लाग्ने थापाले बताए । उनले भाद्र ३० गते सम्म दर्ता गर्नेलाई ६ सय ५० र त्यस पछि ७ सय ५० रुपैया सहभागिता शुल्क लिने बताए । समितिका सल्लाहाकार आनन्दराज मुल्मीले पहिलो स्थानीय रुपमा र त्यस पछि राष्ट्रिय र अन्तराष्ट्रिय स्तरीय बनाउने बताए ।
उनले प्रत्येक वर्ष साइकलको दुरी समेत बढाउने बताए । साइकलको अफरोड साइकल ल्याड बनाउन प्रयास गर्ने बताए । जिरोकिमि देखि कोत्रे सम्म बन्न सडकमा साइकल ल्याड पनि बनाउन सरकार सँग माग गरे । अघिल्लो वर्ष ४ सय ८० ले सहभागीता जनाएको र यस वर्ष करिब १ हजार जनाको सहभागीता जनाउने पोखरा साइकल सिटिका अध्यक्ष प्रकास ब्रर्जाचायले जानकारी दिए । उनले पोखरा भन्दा बाहिरबाट पनि सहभागीता जनाउने उनले बताए ।