सागर राज तिमिल्सिना
पोखरा, १८ भदौ/स्वास्थ्य र चिकित्सा क्षेत्रको सुधारका लागि प्राध्यापक डा. गोविन्द केसीले आफ्ना माग पुरा नभएमा जनताको पक्षमा फेरी आन्दोलन गर्ने बताएका छन् ।
![माग पुरानभए फेरी आन्दोलन –डा. केसी](https://ganthan.com/wp-content/uploads/dr-gobinda-kc-pokhara-2.jpg)
सोलिडारिटी फर डा. केसी अलायन्सले पोखरामा आयोजना गरेको कायक्र्रममा केसीले आफुले राखेको माग पुरा नभएमा आफु पुन आन्दोलनमा होमिने बताए ।
सरकारका मन्त्री सगँको छलफलमा सबै सकारात्मक नै रहेको बताउदै आफ्ना माग पुराहुने बताए । उनले अख्तियारका आयुक्त लोकमान सिंह र आफुलाई छानविन गरि जो दोषी छ त्यसलाई कार्वाहीको गर्न समेत माग गरे । उनले आफुहरुको माग नेपालमा मेडिकल कलेज खोल्न नपाउने भएको बताउदै शहरमा खोल्न नपाउने रहेको बताए । नेपाली मेडिकल कलेजले महङ्गो शुल्क लिएका कारण नेपाली विद्यार्थी सस्तो कलेज खोज्दै विदेशीनु परेको बताए ।
![माग पुरानभए फेरी आन्दोलन –डा. केसी](https://ganthan.com/wp-content/uploads/dr-gobinda-kc-pokhara-1.jpg)
उनले नयाँ संरचना अनुसार सबै प्रदेशमा एक एक वटा सरकारी मेडिकल कलेज हुनुपर्ने माग राखे । कार्यक्रममा उपस्थित भएका मेडिकलका विद्यार्थीहरुलाई पहिले असल डाक्टर बन्नु पर्ने बताउदै असल बने पछि मात्रै सफल डाक्टर बन्न सकिने बताए । ‘सफल चिकित्सकहरु सबै असल छैनन्,’ उनले भने, ‘ तपाई हरु पहिले असल चिकित्सक बन्नु होस्र त्यस पछि सफल’ ।
कार्यक्रम पछि डा केसी सहित उपस्थितहरुले पोखराको चिप्लेढुङ्गा, महेन्द्रपुल क्षेत्रमा सफाइ समेत गरेका थिए । सोलिडारिटी फर डा. केसी अलायन्सका संयोजक राजाराम केसीले देशमा जुनसुकै क्षेत्रमा पनि फोहोर नै फोहोर रहेको बताउदै सांकेतिक रुपमा सफाइ गरेको बताए । पोखरामा लागेको झरीमा रुज्दै विभिन्न ठाउँबाट युवाहरु कार्यक्रममा उपस्थित भएका थिए ।