पोखरा, १ भदौ/पोखरा उद्योग वाणिज्य संघको आगामी ३१ औ अधिवेशनमा कार्यसमिती सदस्यमा हिमालय बख्रेलले उमेदवारी दिने भएका छन ।
युनाइटेड क्लव पोखराका अध्यक्ष र पोखरा क्षेत्रिय अन्तराष्ट्रिय चिडियाखाना निर्माण समितीका अध्यक्ष समेत रहेका बख्रेलले आगामी भदौ ३१ र असोज १ गते हुने ३१ औ अधिवेशनमा कार्यसमिती सदस्यमा उमेदवारी दिने भएका हुन ।
बख्रेलले केही दिन अगाडी आफ्नो फेसबुक वालमा समेत आफु यो पटकको ३१ औ अधिवेशनमा आफुले पोखरा उद्योग वाणिज्य संघको कार्यसमिती सदस्यमा उमेदवारी दिने भन्दै पोष्ट गरेका छन ।
बख्रेलले युनाइटेड क्लवको स्थापना गर्न र पोखरामा चिडियाखानाको अवधारणा सहित पोखरा महोत्सवको समेत आयोजना गरी आएको र पछिल्लो समय विभिन्न टोलमा सौर्यबत्ती जडान गर्ने अभियानमा समेत सरिक हुदै आएका छन ।