पोखरा, ३२ साउन /इभेन्ट म्यानेजमेन्ट कम्पनी लेभल नेक्स्ट प्रालिको आयोजना भद्रौ ४ गते पोखरामा ‘योलो समर पुल पार्टी’ हुने भएको छ । रोक्ट्याक्ट क्लब अफ पोखरा फिस्टेल सगँको सहकार्यमा पोखराको पाँचतारे होटल फुलबारीमा कार्यक्रमको आयोजना गर्न लागेको मंगलबार आयोजित पत्रकार सम्मेलनमा जानकारी दिएको छ ।
समर पुल पार्टीमा रमाउन चाहनेहरुलाई लेभल नेक्स्टले वर्षेनी कार्यक्रमको आयोजना गर्दै आएकी प्रबन्ध निर्देशक सिर्जना भुर्तेलले जानकारी दिइन् । पार्टीमा डिजे आशिष र कोन्मेले सहभागीलाई मनोरञ्जन दिने छन् । पौडी पोखरीमा पौडीखेल्दै गीत, संगित र खाना सगँ मनोरञ्जन लिन सकिने इभेन्दका निर्देशक शिसिर शर्माले बताए । कार्यक्रम सम्पन्न गर्न करिब ३ लाख खर्च लाग्ने र ६ लाख आम्दानी गर्ने लक्ष्य रहेको प्रबन्ध निर्देशक भुर्तेलले बताइन् ।
उनले बचत भएको रकम सामाजीक काममा खर्च गर्ने बताइन् । अघिल्ला वर्षहरुमा जस्तै बचत रकमबाट विद्यालयमा पुस्तकालय स्थापना, छात्रबृति वितरण, असाहायलाई सहयोग लगाएतका कार्यक्रम गर्ने रोक्ट्याक्ट क्लब अफ पोखरा फिस्टेलकी अध्यक्ष सृजना गुरुङले जानकारी दिइन् ।
यु वन्ली लिभ वन्स ९योलो० अर्थात तिमी एकपटक मात्रै बाँच्छौं भनिएको यो पार्टीमा साँच्चै सहभागीले अकल्पनीय मज्जा लिएर जिन्दगीको स्वर्णीम आनन्द लुट्ने विश्वास लिएको मिडिया कोअर्डिनेटर विजय लम्साले जानकारी दिए । जसै महात्मा गान्धीले भनेका छन्— बाँच यसरी कि भोलि नै मर्दैछौं र सिक यसरी कि सधैं बाँच्नेछौं ।
पार्टिमा सहभागी हुनका लागि सोही स्थानमा ३ सय, ५ सय र १ हजारको टिकट काटेर सहभागी हुन पाइने लम्सालले जानकारी दिए । पार्टिमा पोखरा र बाहिरका गरि करिब १ हजार जनाको सहभागीता रहने उनले बताए । करिब ५ घन्टा चल्ने पार्टीले सहभागी सबैलाई रिफ्रेसमेन्ट गराउने आयोजकको भनाई छ ।