सागर राज तिमिल्सिना
पोखरा, १३ साउन/वर्षा संगै आएको पहिरो र धमिलो पानीका कारण पर्यटकीय शहर पोखराको मुख्य केन्द्रविन्दुका रुपमा परिचित फेवाताल यतिवेला कुरुप बनेको छ ।
अघिल्लो वर्षको साउन १३ गते आएको बाढी पहिरोका कारण फेवाताल कुरुप बनेको थियो भने यस वर्ष पनि खहरे खोलामा आएको बढिले फेवातालले रङ नै फेरेको छ । आकासको रङ जस्तै गरेर फेरीने फेवातालमा यति बेला भने धमिलो बनेको छ ।
वर्षा संगै फेवातालको सिरानमा पर्ने हर्पन खोला र खहरे खोलाबाट आएको वाढीका कारण फेवाताल कुरुप बन्दै गएपछि फेवातालमा आफ्नो रोजीरोटीका लागि डुङगा संचालन गर्दै आइरहेका डुङगा ब्यवशायीहरु चिन्तित बनेका छन् । फेवाताललाई वर्षै पिच्छे बाढी पहिरो र जलकुम्भीका कारण स्वच्छ र निर्मल फेवाताल कुरुप बन्ने गरेको छ ।
फेवातालमा डुङगा शयर गर्नकै लागि यहा देशी तथा विदेशी पर्यटकहरुको घुइचो लाग्ने गर्दछ । वर्षा याम संगै आएको वाढी पहिरो र जलकुम्भीका कारण यतिवेला फेवाताल कुरुप त देखिएको कोनै छ तर वर्षै पिच्छे आउने बाढीका कारण फेवाताल पुरिदै गएको छ । सम्बन्धित निकायले यसको संरक्षण तर्फ नलाग्ने हो भने फेवाताल कुनै दिन मैदानमा परिणत हुन सक्छ त्यसैले यसको संरक्षणका लागी सवैले ध्यान दिनु जरुरी रहेको व्यवसायीहरु बताउ छन् ।
पोखराको पहिलो आकर्षण भनेको फेवाताल हो । जहाँ डुंगामा सयर गर्दै सुन्दर प्राकृतिक दृश्यावलोकन गर्न पाइन्छ । माछापुच्छ«े हिमालको प्रतिविम्ब तालमै पौडी खेलेको देख्न सकिन्छ । त्यसमाथि तालको बीचमा रहेको तालबाराही मन्दिर पनि पर्यटकका लागि पहिलो गन्तव्य बन्दै आएको छ । डुङ्गामा बसेर फेवाको फन्को नलगाएसम्म पोखरा आएको सार्थकता हुँदैन । डुङ्गा चढेर तालवराही मन्दिर जानु जति बाध्यता हो, त्योभन्दा बढी त्यसले दिने आनन्द हो । त्यसैले वर्षै पिच्छे खुम्चीदै गएको फेवातालको संरक्षण गर्नु आवश्यक छ ।
![फेवाताल](https://ganthan.com/wp-content/uploads/fewatall-coler-1.jpg)
![फेवाताल](https://ganthan.com/wp-content/uploads/fewatall-coler-2.jpg)
![फेवाताल](https://ganthan.com/wp-content/uploads/fewatall-coler-3.jpg)
![फेवाताल](https://ganthan.com/wp-content/uploads/fewatall-coler-4.jpg)
![पोखराको फेवाताल र जलकुम्भी](https://ganthan.com/wp-content/uploads/fewa-tal-5.jpg)
![sup nepal fewatal फेवातालमा पर्यटकका लागी अब यस्ता डुङ्गा आएका छन्](https://ganthan.com/wp-content/uploads/sup-nepal-2-.jpg)
![fewatal jalkumb पर्यटन दिवसमा होटल संघले फेवाबाट जलकुम्भी हटायो](https://ganthan.com/wp-content/uploads/fewatal-jalkumb.jpg)
![घुमेर अघाइन्न पोखरा, पोखरामा घुम्नै पर्ने ठाउँहरु](https://ganthan.com/wp-content/uploads/himal-chaya.jpg)