सागर राज तिमिल्सिना
पोखरा, ७ साउन/कास्कीको भदौरेतामागी ५ ठुलाखेतामा रहेको खहरे खोला पुलको पिल्लर खोलाले बगाएको छ । शुक्रबार विहान देखि परेको पानीले खोलाको सतह बढ्दा पुलको एउटा पिल्लर बगाएको छ भने एउटा पिल्लर बगाउन ठिक्क पारेको पुल निमार्ण समितिका अध्यक्ष विष्णु दाहालले बताए ।
ढलान गरि बनाएको पिल्लर खोलाले भाचेर आधा बगाएको छ उनले भने जाली लगाएर बनाएको पिल्लर पनि ढल्केपछि पुल जोखिममा परेको बताए । उनले माथी फलामको पुल भएर धानीएको बताए । दुईवटा बिचका पिल्लर नभए पछि पुलमा हिड्न जोखिम छ दाहालले भने मानिस हिड्दा हिड्दै पुल भाचिन सक्छ ।
उनले खोलामा ठुलो बाढि आए पनि विहान पुलको संरक्षणमा स्थानीय जुटे पनि संरक्षणको प्रयास असफल भएको बताए । सो पुलबाट मुख्य गरि भदौरे तामागि गविस, चापाकोट गाविस, कास्कीकोट गाविसका बासिन्दाहरु आवतजावत गर्दछन् । पुल भएर विद्यालय आउन विद्यार्थीका लागि पुल नहुदा कठिन हुने दाहालले बताए ।
गत बर्ष साउन १३ गते त्यस क्षेत्रमा ठुलो बाढि पहिरो जादा पुल बगाएको थियो । त्यस पछि हिउद जिल्ला बालगृह सञ्जालले पुलको पुर्ननिमार्ण गरेको थियो । २७ वटा बालगृहबाट संकलित रकम, पाहार ट्ष्ट नेपाल र नेपाल हाउस कास्कीको करिब ६ लाखको आर्थिक सहयोगमा पुलको पुर्ननिमार्ण भएको थियो ।
