पोखरा, ९ असार /पोखरामा बर्षो देखि हुदै आएको खानेपानीको समस्या अब सधैका लागि अन्त्य हुने भएको छ । जापानीज सस्था जाईकाले खानेपानीको लागि प्रस्ताव गरे अनुसारको संझौताको लागि कानुनी बाधा हटेकोले अब काम सुरु हुने नेपाल खानेपानी सस्थानका अध्यक्ष परमेश्वर पोखरेलले अब पानीको समस्या समाधान हुने बताएका हुन ।
पोखरामा सामुदायिक सुचना समाजले आयोजना गरेको पोखरामा खानेपानीकोे अबस्था तथा दुरदराजको समस्या बिषयक अन्र्तकृया कार्यक्रममा उनले अब पोखराले खानेपानीको समस्या भोग्न नपर्ने बताएका हुन । केही प्राबिधिक र कानुनी ब्यबधानहरु थिए , तर ति सबै समाधान भैसके , उनले सो अबसरमा भने । पोखरामा पानीको स्रोत प्रशस्त भएको भएपनि बैज्ञानिक बितरणको अभाव भएका कारण केही स्थानहरुमा सरकारी खानेपानी नै पुग्न नसकेको उनको भनाई थियो ।
बिगतमा भएका प्रयासहरु दिर्घकालिन हुन नसकेकोले अहिले समस्या आएको पोखरेलले बताए । अब भने बैज्ञानिक बितरण प्रणालीका माध्यम बाट काम हुनेमा उनले बिस्वास दिलाए । कार्यक्रममा नेपाल खानेपानी सस्थान पोखरामा निरन महर्जन पोखराको खानेपानीको अबस्थाको बारेमा कार्यपत्र प्रस्तुत गरेका थिए । कार्यपत्रमा पोखराको जनसंख्या बृद्धिदर पाँच प्रतिशत भएकोले पानी बितरणमा पनि थप जटिलता आएको उल्लेख छ । पानीको मुहानमा संरक्षण्को अभावका कारण बर्षनी समस्या आईरहने महर्जनको कार्यपत्रमा उल्लेख गरीएको छ ।
![जाईकाको आगमनले पोखरामा चाहिए जति पानी](https://ganthan.com/wp-content/uploads/water-1.jpg)
पोखराको खानेपानीको मुहानमा जिल्ला बिकास समिति कास्कीले र्निमाण सामाग्री निकाल्न दिएको ठेक्काका कारण पोखरामा पानीमा समस्या आउने उनले जोड दिए । जिबिस जस्तो जिम्मेवार निकायले उक्त कार्य गर्नु अचम्मको बिषय भएको उनको भनाई थियो । कार्यक्रममा सहभागिहरुले महतगौडा बासीले सरकारी पानीको मुख नदेखेको गुनासो गरे । बिकासहरु सबै माथि तिर नै हुन्छन , जसका कारण पोखराको बिच भागमा पर्ने वा नम्बर १७ सितापाईला क्षेत्र ओझेलमा परेको छ, उनीहरुको कार्यक्रममा भने ।
कार्यक्रममा नेकपा एमाले कास्की जिल्लाका अध्यक्ष कृष्ण थापाले आफु मेयर हुँदा बिच्छाएको पाईपमा १७ बर्ष पुग्दा पनि पानी नपुगेकोमा आश्चर्य प्रकट गरे । आफुले सुरु गरेको काम अहिलेपनि जहाँको तही रहेकोमा उनले देशको बिकास पनि यस्तै कारणमा प्रभावकारी नबनेको तर्क गरे । नेकपा माओबादी केन्द्रका केन्दीय सदस्य बखाँन सिंह तमुले जनताको आधारभुत कुराहरुमा राज्यले ध्यान नदिएकोको बताए ।
संबिधान र्निमाण पछि अब देशले बिकासमा फड्को मार्नुपर्नेमा उनले जोड दिए । नयाँ शक्ति कास्कीका संयोजक हेम बहादुर थापाले बिकासका लागि स्थानियहरु संग आफुहरु सधै संगै हुने बताए । नेपाली काग्रेस वडा नं १७का अध्यक्ष देवि आचार्यले सबै क्षेत्रहरुको सामुहिक प्रयत्नबाट त्यस क्षेत्रको बिकास हुने बताए । सामुदायि सुचना समाज कास्कीका सदस्य तथा कार्यक्रम संयोजक माधब पनेरुले सुचनाको बिकास र समग्र बिकासमा सुचनाको भुमिका बिषयक अबधारणा प्रस्तुत गरेका थिए ।