पोखरा, १५ फागुन /भूकम्प र नाकाबन्दीले पारेको नकारात्मक सन्देश हटाउन नेपाल एशोसियसन अफ टुर एण्ड ट्राभल्स एजेन्ट (नाट्टा) पोखरा भारतको सिलिगुडी छ । भारतको सिलिगुडीमा शुक्रबार देखि बंगाल ट्राभलमार्टमा अन्य देशका टुर अप्रेटरहरुलाई नेपालका बारेमा जानकारी दिएका छन् । ट्राभल मार्टमा नेपाल, भारत, बंगलादेश, भुटान लगायतबाट सहभागीता जनाएका छन् । ट्राभल्समार्ट विदेशी टुरअप्रेटरहरुले नेपालको अहिलको अवस्था र पर्यटन पठाउन सकिने वा नकिने बारेमा बढि जिज्ञासा राखेको नेपाल एशोसियसन अफ टुर एण्ड ट्राभल्स एजेन्ट ( नाट्टा ) पोखराका अध्यक्ष दिल गौतमले जानकारी दिए ।
ट्राभल मार्टमा पोखराबाट ९ जना व्यावसायी, काठमाडौ व्यवसायी तथा नेपाल पर्यटन बोर्डका प्रतिनिधिहरु मार्टमा सहभागी छन् । ट्राभलमार्टमा आएका विभिन्न ट्राभलहरु मार्फत पोखराको प्रर्वद्धधन गरेको गौतमले जानकारी दिए । ‘भूकम्प र नाका बन्दीले पोखराको पर्यटन व्यावसाय समस्यामा परेको छ,’ गौतमले भने,‘ ट्राभल मार्टबाट पर्यटक बोलाउदा केही मात्रामा भए पनि सुधार आउने अपेज्ञा छ ।’
भूकम्पपछि खस्किएको पर्यटन उद्योग भारतको अघोषित नाकाबन्दीले थप थलिएको छ । नाका खुलेपछि अहिले केही सहज भएकाले भूकम्प र नाकाबन्दीपछि नेपाल र पोखरा भारत, भुटान र बंगलादेशबाट आउने पर्यटकहरुलाई सकारात्मक सन्देश सफल भएको उनले बताए । उनले मार्टमा बिटुबि बैठकबाट सकारात्मक सन्देश दिन सकिने बताए । पाँच दिनको पोखरा प्रवद्र्धन कार्याक्रममा बिहीबार विराटनगरमा अन्तरक्रिया कार्यक्रम सम्पन्न भएको छ ।
