सागर राज तिमिल्सिना
पोखरा ११, माघ/लेखनाथ नगरपालीका वडा नम्वर ४ मा रहेको खाँस्टेतालमा अबस्थीत जिर्ण अबस्थामा रहेको तालवराही मन्दीरको पुनः मर्मत शुरु भएको छ । परम्परा पुर्व कालमा स्थापना भएको तालवराही मन्दीर हाल जिर्ण अबस्थामा रहेकोले स्थानीयले आर्थिक संकलन तथा भौतिक संरचनाका सामाग्रिहरुको माग गरी मन्दीर मर्मतमा आफुहरु लागेको खास्टेताल वाराही मन्दीर निमार्ण समितिले जनाएको छ ।
अक्षय तृतीया तथा नवदुर्गामा बिशेष पुजा आज हुने गरेको सो मन्दीरलाई फेवातालको तालवराही मन्दीर कान्छी र खास्टेतालको जेठो मन्दीर भएको समितिका अध्यक्ष खेमराज बरालले जनाए । सांस्कृतिक तथा पर्यटीय दृष्टिले महत्व वोकेको उक्त ताल तथा मन्दीर संरक्षणमा सरकारी निकायबाट खासै पहल नभएको गुनासो गरे । उनले भने “हामीले पटक पटक लेखनाथ नगरपालीकामा ताल तथा मन्दीर संरक्षणको लागि आग्रह गर्दा खासै ध्यान दिएका छैनैन ।” हाल आफुहरुले विभिन्न दाताहरुको सहयोगबाट करीब ३ लाखको लागतमा मन्दीरको मर्मत गर्न लागिएको बरालले बताए ।
मन्दीर मर्मत गर्न पोखरा मनकामना दर्शक पोखरा शाखाका संचालक एवं पुर्व राखेप सदस्य राजेश गुरुङले करीब ९१ हजार रकम संकलन गरी समितिलाई हस्तान्तरण गरेका छन । गुरुङले स्वयम २५ हजार ५ सय सहयोग गरेको समितिका सचिव ईश्वरराज भण्डारीले बताए । मन्दीर मर्मतमा स्यर्गीय बैद्यमान गुभाजुका कान्छा छोरा विमलमान गुभाजुबाट २५ हजार, यति एर्यरलाईन्सका क्याप्टेन प्रफुल्ल बैद्यबाट १५ हजार, अरुणा मंगलबाट १५ हजार, भवन खाँडबाट १० हजार, कुमार बास्तोलाबाट ५ हजार, नियालो कर्नरका संचालक ज्ञानेन्द्रबाट ५ हजार, युनाईटेड गोल्ड मार्कका कर्मचारीहरुबाट १० हजार, सोपाल तथा कास्की जिल्ला व्याडमिन्टन संघ लगायतबाट समेत सहयोग रकम प्राप्त भएको समितिले जनाएको छ ।
मन्दीरमा होम हाल्ने कुण्ड सहित पुजारी बस्न मिल्ने कक्ष समेत निमार्ण गरीने भएको भण्डारीले जनाए । खास्टेतालको क्षेत्रफल ५ सय ५६ रोपनी क्षेत्रफल भए पनि तालको चेक ड्याम राम्रोसंग हुन नसकेको तथा जलकुम्भी झारले थप समस्यामा पारेको स्थानीय शिवजी तिवारीले बताए । उक्त मन्दीर निमार्णका अर्थ समिति संयोजक राजेश गुरुङले आफ्ना सुभचिन्तकहरुको सहयोगबाट उक्त रकम आफुले जुटाएको बताउदै आगामी दिनमा सहयोगलाई निरन्तरता दिने बताए । उक्त तालको प्रचार प्रसार समेत कमि भएकोले मन्दीर मर्मतसंगै ताल संरक्षणमा सवै जुट्नु पर्ने गुरुङले बताए ।