राष्ट्रिय सौन्दर्यकर्मी युनियन नेपालको अध्यक्षमा पहारी

पोखरा १०, पुष/राष्ट्रिय सौन्दर्यकर्मी युनियन नेपालको हालै काठमाण्डौमा सम्पन्न भएको दोश्रो राष्ट्रिय अधिवेसनले पम्फा पहारीको अध्यक्षतामा १५ सदस्य नयाँ कार्यसमिति चयन गरेको छ । उपाध्यक्षमा गोमा थापा, महासचिवमा मिश्रकुमारी गुरुङ (सुमन), आर्थिक सचिवमा पवी गुरुङ, प्रशासनिक सचिवमा गंगा नकर्मी, प्रचारप्रसार सचिवमा शारदा शाक्य रहेकी छन ।त्यसै गरी सदस्यहरुमा लेखुमाया रानामगर, गमला राजभण्डारी, हिरा रसाईली, मिना नेपाल, सुनिता आरसी, ओमा कार्की, निमर्ला सुब्बा, देविसरा गुरुङ र रुपा श्रेष्ठ रहेका छन । परिषद अध्यक्षमा युनियनका संस्थापक अध्यक्ष मीना गुरुङ रहेकी छन ।

यसै विच युनियनले बुधबार पोखरामा पत्रकार सम्मेलनको आयोजना गरी भावी कार्यक्रम समेत सार्वजनिक गरेको हो । नवनिर्वाचित अध्यक्ष पम्फा पहारीले सौन्र्दय पेशालाई व्यावसायीक बनाउन आफ्नो टिम लाग्ने वचन दिएकी छन । हाल १६ जिल्ला कमिटि विस्तार भएकोमा आफ्नो ४ बर्षे कार्यकालमा बागमती, गण्डकी, धौलागीरी, मेची, कोशी, जनकपुर, लुम्बिनी, भेरी र नारायणी मध्यका १५ जिल्लामा संगठन विस्तार गर्ने पहारीले बताईन ।

८ सय ५० सदस्य रहेकोमा १ हजार ५ सय सदस्य सङख्या पुराउने युनियनले लक्ष्य राखेको छ । युनियनले विगतका बर्षमा आयोजना गर्दै आएका खुल्ला मिस तिज प्रतियोगिता लगायतका कार्यक्रमलाई निरन्तरता दिने भएको पहारीले बताईन । परिषद अध्यक्षमा युनियनका संस्थापक अध्यक्ष मीना गुरुङले सौन्दर्यकर्मीको हकहितको लागि आफु युनियनसंग समन्वय गर्दै अघि बढ्ने बताईन । युनियका अध्यक्ष पम्फा पहारीको अध्यक्षतामा सम्पन्न भएको कार्यक्रमको संचालन महासचिव सुमन गुरुङले संचालन गरेकी हुन ।

कमेन्टहरु
Loading...