सागर राज तिमिल्सिना
पोखरा, २० मंसिर/पोखरा २६ सेदी हाईटमा सुविधा सम्पन्न रिसोर्ट सञ्चालनको तयारी भएको छ । स्विमिङ पुल सहितको सुविधा सम्पन्न रिसोट युवा उद्यमीले सञ्चालनमा ल्याएका हुन् । पोखराका युवा करिब ३५ करोड लागतमा ईन्फिनिटि रिसोर्ट सञ्चालनमा आउन लागेको हो । पोखराका युवा व्यवसायी विनोद तिमिल्सिनाले रिसोर्ट निर्माण गरि सञ्चालनका तयारी गरेका हुन् ।
रिसोर्टमा २२ वटा डिलक्स र दुई स्विट सहित २४ रुम छन् । होटलका अधिकांश कोठाबाट फेवातालको दृष्य देख्न सकिन्छ । रिसोर्टमा झण्डै ६० जना क्षमताको सेमिनार हल र रेष्टुरेन्ट रहेको तिमिल्सिनाले जानकारी दिए । रिसोर्ट हातामै झण्डै दुई सय जनाका लागि आउटडोर सेवा दिन सकिने उनका भनाई छ ।
रिसोर्टबाट फेवाताल सहित, विश्वशान्ति स्तुपा, सराङकोट र प्याराग्लाइडिङको दृष्य देख्न सकिने उनले बताए । रिसोर्टको डिलक्स रुमलाई ७५ डलर अर्थात् ७ हजार पाँच सय र स्विट रुमलाई १५० डलर अर्थात् नेपाली १० हजार पाँच सय रुपैया शुल्क निर्धारण गरिएको छ । उनले नेपालीलाई ३० प्रतिशत छुट दिने बताए ।
रिसोर्टमा २० जनाले प्रत्यक्ष रोजगारी पाएका छन् । सञ्चालकका अनुसार भविश्यमा वाल उद्यान, वालमैत्री पौडी पोखरी, थप सुविधायुक्त भिल्लाहरु सहित खेल मैदान, स्पा, योग केन्द्र लगायतका सुविधा थप्ने बताए ।
उनले ३ वर्ष ओमनमा रिसोर्ट म्यानेजरको रुपमा कार्यरत रहेको अनुभवलाई व्यवसायमा परिणत गरेको तिमिल्सिनाले बताए । विदेशमा प्राप्त ज्ञानको आधारमा आफ्नै जन्मस्थलमा रिसोर्ट सञ्चालन गरेको उनले बताए । रिसोट १२ रोपनी क्षेत्रफलमा फैलिएको छ । रिसोर्टको मंसिर २२ गते नयाँ शक्ति पार्टीका संयोजक एबं पूर्व प्रधानमन्त्री डा. बाबुराम भट्टराईले उद्घाटन गर्ने कार्यक्रम छ ।
